Friday, March 1, 2019

ប៉ូលិសខេត្តកណ្ដាល ចុះបង្ក្រាបទីតាំងសញ្ចាកម្មមួយកន្លែង សង្រ្គោះអនីតិជន៥នាក់ និងនីតិជនម្នាក់

ភ្នំពេញៈ នៅថ្ងៃទី២៨ ខែកុម្ភៈ ឆ្នាំ២០១៩ វេលាម៉ោង៩៖៣០នាទីយប់ ត្រង់ចំណុចផ្ទះសំណាក ឈ្មោះ “សុខ វិសាល” ផ្លូវលេខ១១០B ភូមិថ្មី២ សង្កាក់តាខ្មៅ ក្រុងតាខ្មៅ ខេត្តកណ្តាល កម្លាំងការិល័យប្រឆាំងការជួញដូរមនុស្ស និងការពារអនីតិជន បានចុះបង្ក្រាបបទល្មើសសញ្ចាកម្ម ដោយមានការចូលរួមដោយ នគរបាលក្រុងតាខ្មៅ នគរបាលប៉ុស្តិ៍តាខ្មៅ ក្រុមព្រឹក្សាសង្កាត់តាខ្មៅ សមាជិកភូមិតាខ្មៅផងដែរ។

ក្នុងនោះយើងបានសង្រ្គោះអនីតិជន ចំនួន៥នាក់ នីតិជនម្នាក់សរុបចំនួន៦នាក់៖ ទី១-ឈ្មោះ ល.ហ.ហ អនីតិជន, ទី២- ឈ្មោះ ម៉ៅ រក្សា, ទី៣- ឈ្មោះ សៀង គា, ទី៤- ឈ្មោះ ធី ចាន់លីណា, ទី៥- ឈ្មោះ មុន លក្ខិណា, ទី៦- ឈ្មោះ ពេជ្រ រតនា។ ចំណែក ជនល្មើសជាអន្តរការី ឈ្មោះ ទូច ចាន់  ភេទប្រុស អាយុ៣៥ឆ្នាំ ឈ្មោះហៅក្រៅ ក្រពុំឈូក មានទីលំនៅបច្ចុប្បន្ននៅផ្ទះជួលក្នុងភូមិថ្មី២ សង្កាត់តាខ្មៅ ក្រុងតាខ្មៅ ខេត្តកណ្តាល។ មានទីលំនៅកំណើត ភូមិអង្គបាន ឃុំអង្គបាន ស្រុកកងមាស ខេត្តកំពង់ចាម ត្រូវបានឃាត់ខ្លួនបញ្ជូនមកការិល័យជំនាញខេត្ត។

បច្ចុប្បន្ន ​ជនរងគ្រោះទាំង៦នាក់ បាននាំមកការិល័យជំនាញខេត្ត ក្រោមការជួយឧបត្ថម្ភពីអង្គការមេត្រីអន្តរជាតិ៕

Feature Ads