ឧត្តរមានជ័យៈ យ៉ាងហោចមានមនុស្ស២នាក់ ស្លាប់នៅកន្លែងកើតហេត ក្នុងចំណោម៣នាក់ ដោយសារកាប់ចំមីនតោនផ្ទុះ កាលពីវេលាម៉ោង១២៖៤៥នាទីថ្ងៃត្រង់ ថ្ងៃទី១៤ ខែមីនា នៅចំណុចផ្លូវបារាំង ស្ថិតក្នុងភូមិស្រែសំ ឃុំអូរស្វាយ ស្រុកត្រពាំងប្រាសាទ ខេត្តឧត្តមរមានជ័យ ។
ជនរងគ្រោះឈ្មោះ ហុក រ៉ាឆាន ភេទប្រុស អាយុ១៨ឆ្នាំ មុខរបរ ស៊ីឈ្នួលរាវមីន មានទីលំនៅភូមិព្រះអណ្តូង ឃុំស្តុកប្រវឹក ស្រុករុក្ខគិរី ខេត្តបាត់ដំបង (ស្លាប់នៅនឹងកន្លែងកើតហេតុ) ។ ទី២ឈ្មោះ ម៉ៅ កំសត់ ភេទប្រុស អាយុ២២ឆ្នាំ មុខរបរ ស៊ីឈ្នួលរាវមីន មានទីលំនៅ ភូមិត្រពាំងបី ឃុំទំនប់ដាច់ ស្រុកត្រពាំងប្រា សាទ ខេត្តឧត្តរមានជ័យ (ស្លាប់នៅនឹងកន្លែងកើតហេតុ)។ ចំណែកម្នាក់ទៀតឈ្មោះ តែម ប៊ុនធីម ភេទ ប្រុស អាយុ៤៩ឆ្នាំ មានទីលំនៅ ភូមិត្រពាំងបី ឃុំទំនប់ដាច់ ស្រុកត្រពាំងប្រាសាទ ខេត្តឧត្តរមាន ជ័យ ពុំមានគ្រោះថ្នាក់អ្វីនោះទេ ដោយសារនៅឆ្ងាយពីកន្លែងផ្ទុះ។
តាមសេចក្តីរាយការណ៍របស់សមត្ថកិច្ច បានឲ្យដឹងថា នៅវេលាម៉ោងខាងលើ ជនរងគ្រោះទាំង៣នាក់ បានស៊ីឈ្នួលគេកាប់កម្ការត្រាយព្រៃ ដើម្បីរាវមីន ហើយមិនទាន់បានរាវផង ក៏កាប់ចំមីនតោនមួយគ្រាប់ បណ្តាលឲ្យផ្ទុះកក្រើកធរណី ស្លាប់២នាក់ និងម្នាក់រួចផុតពីគ្រោះថ្នាក់ ទាំងព្រលឹងចុងសក់។
ក្រោយកើតហេតុសមត្ថកិច្ចមូលដ្ឋានបានចុះទៅពិនិត្យ និងប្រមែប្រមូលកម្ទេចកម្ទីសាកសពទុកជូនគ្រួសារធ្វើបុណ្យតាមប្រពៃណី៕