កោះកុងៈ ប្រជាពលរដ្ឋ រស់នៅភូមិជីត្រេះ ឃុំអណ្ដូងទឹក ស្រុកបុទុមសាគរ បានប្រទះឃើញសាកសពមនុស្សស្រីម្នាក់ មិនស្គាស់អត្តសញ្ញាណ មានសភាពហើមស្អុយរលួយ ក៏មករាយការណ៍ជូនសមត្ថកិច្ច។
សាកសពស្រីខាងលើនេះ ត្រូវបានប្រជាពលរដ្ឋប្រទះឃើញកាលពីវេលាម៉ោង ៧ព្រឹកថ្ងៃទី ១២ ខែមីនា ឆ្នាំ២០១៩ នៅចំណុចចំការស្វាយ ក្បែរចិញ្ចើមផ្លូវ សាយ ភូថង ស្ថិតនៅភូមិជីត្រេះ ឃុំអណ្ដូងទឹក ស្រុកបូទុមសាគរ ខេត្តកោះកុង ។
ក្រោយទទួលបានព័ត៌មាន កម្លាំជំនាញនៃអធិការដ្ឋាន សហការជាមួយ ក្រុមគ្រូទេព្យមណ្ឌលសុខភាពអណ្ដូងទឹក ដោយមានការចូលរួមពីអាជ្ញាធរមូលដ្ឋាន បានចុះធ្វើកោសល្យវិច្ច័សព បានបញ្ជាក់ថា សាកសពមានស្នាមធ្លាយត្រង់ចុងដង្ហើម ស្លៀកតែលីអូ ពណ៌ខ្មៅ អត់ពាក់អាវ មានអាវក្នុងពណ៌ខ្មៅប្រលាក់ឈាម លើចិញ្ចើមថ្នល់ក្បែរសាកសព ត្រូវបានគេដឹកមកទម្លាក់ចោល សណ្ឋានភាពសាកសពស្លាប់ប្រហែល៥ទៅ៦ថ្ងៃ មុខមាត់ហើមរលួយមើលមិនស្គាល់។
បច្ចុប្បន្នករណីនេះ កម្លាំងជំនាញកំពុងធ្វើការស្រាវជ្រាវរកមុខឃាតក ដើម្បីចាប់យកមកផ្ដន្ទាទោសតាមច្បាប់៕