ព្រះវិហារៈ ដោយសារតែជីវភាពក្រីក្រពេក បុរសម្នាក់បានចូលទៅកាប់ឈើ ដើម្បីយកមកសម្រាប់ដោះស្រាយជីវភាពគ្រួសារ តែជាអកុសលមែកឈើបាក់ធ្លាក់ចំពីលើក្បាល បណ្ដាលឲ្យបាត់បង់ជីវិតភ្លាមៗ។
ហេតុការណ៍នេះ បានកើតឡើងនៅវេលាម៉ោងប្រមាណ៨៖៣០នាទីព្រឹកថ្ងៃទី២២ ខែមីនា ឆ្នាំ២០១៩ ស្ថិតនៅចម្ងាយប្រហែលជា១០គីឡូម៉ែត្រពីភូមិភ្ញាក់រលឹក ឃុំធ្មា ស្រុកជ័យសែន ខេត្តព្រះវិហារ។
បុរសរងគ្រោះឈ្មោះ ឆន ដេត ភេទប្រុស អាយុ៣១ឆ្នាំ រស់នៅភូមិភ្ញាក់រលឹក ឃុំធ្មា ស្រុកជ័យសែន ខេត្តព្រះវិហារ។
ក្រោយពេលកើតហេតុសាកសព ត្រូវបានក្រុមគ្រួសារនាំគ្នាទៅយកមកភូមិ ដើម្បីរៀបចំធ្វើបុណ្យទៅតាមប្រពៃណីផងដែរ៕
