ភ្នំពេញៈ វិដេអូពីកាមេរ៉ាសុវត្ថិភាព ដែលក្មេងប្រុសម្នាក់ បានធ្វើសកម្មភាពលួច យកទូរស័ព្ទពេញមួយកេស ដែលមានទូរស័ព្ទជាច្រើនគ្រឿង ដោយសុវត្ថិភាព ខណៈម្ចាស់ហាង បានយកទូរស័ព្ទរៀបចំដាក់ចូលក្នុងកេសនោះ ហើយលើកយកមកទុកមុខហាង ហើយត្រូវបានក្មេងប្រុសម្នាក់ ឆ្លៀតឱកាសលួចលើកយកទាំងកេសទៅបាត់តែម្ដង។ហេតុការណ៍ខាងលើនេះ កើតឡើងនៅវេលាម៉ោង៧៖៣៨នាទីយប់ថ្ងៃទី១៧ ខែមីនា ឆ្នាំ២០១៩ នៅចំណុចមុខហាងលក់ទូរស័ព្ទយីហោ "គ្នាយើង" នៅតាមបណ្ដោយផ្លូវ២៩៤ កែងផ្លូវផ្សារកាប់គោ ក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ។
បើតាមសម្ដីយុវជនឈ្មោះ ទីន ជាជាងជួសជុលទូរស័ព្ទក្នុងហាងខាងលើ បានរៀបរាប់ប្រាប់ថា មុនពេលកើតហេតុ រូបគាត់ជាអ្នករៀបចំទូរស័ព្ទទាំងនោះ ដាក់ចូលកេស រួចលើកកេសនោះយកមកទុកលើគ្រែមុខហាង ដូចសព្វដង ហើយរូបគាត់បានដើរចូលទៅក្នុងហាងវិញ ដើម្បីរៀបចំប្រអប់ទូរស័ព្ទ និងទូរស័ព្ទផ្សេងទៀត ដោយមិនចាប់អារម្មណ៍ថា មានគេរង់ចាំលួចនោះទេ បន្ទាប់រៀបចំហើយ ដល់ម៉ោងបិទហាង ទើបដឹងថា បាត់កេសទូរស័ព្ទនោះ ទើបប្រញាប់ឆែកកាមេរ៉ាសុវត្ថិភាព ឃើញសកម្មភាព ក្មេងប្រុសខាងលើ ជាអ្នកលួចយកទៅ។
យុវជនជាងទូរស័ព្ទខាងលើ បញ្ជាក់ថា ទូរស័ព្ទ និង Iwatch ក្នុងកេសនោះ គិតជាទឹកប្រាប់សរុបចំនួន 3498$ ។
យោងតាមហ្វេសប៊ុកម្ចាស់ហាងទូរស័ព្ទខាងលើ ឈ្មោះ Steve Calito បានអោយដឹងថា បើឃើញមានអ្នកយកលក់ទូរសព្ទ័ដូចជា IPhone X new Falcon, Hauwie T3 10, Hauwei Y5, Hauwei Prime Y6, Hauwei Prime Y7 Pro Nova, Samsung A5 2017 និង Iwatch series 3 box black, Camfone Hiya ..... សូមជួយទាក់ទងមកផង 070923681 ។
ក្រោយកើតហេតុ ម្ចាស់សូមអំពាវនាវដល់សមត្ថកិច្ចគ្រប់ជាន់ថ្នាក់ បើសិនឃើញជនសង្ស័យដែលមានភិនភាគដូចក្នុងរូបនេះ សូមជួយអន្តរាគមន៍ផង៕
ផ្ដល់សិទ្ធិដោយ camposet.news