ភ្នំពេញ៖ កាលពីព្រឹកថ្ងៃទី១៣ ខែមិថុនា ឆ្នាំ២០១៩ ព្រឹកមិញនេះ ករណីបុរសម្នាក់ បើករថយន្តមួយគ្រឿងក្នុងល្បឿនលឿន រេចង្កូតពេញផ្លូវ ស្របពេលក្បួនរបស់ថ្នាក់ដឹកនាំ សម្ដេចតេជោ ហ៊ុន សែន កំពុងតែមានការងឿងឆ្ងល់ ពីមហាជន រហូតដល់មានសារព័ត៌មានខ្លះបានចុះផ្សាយថាគាត់បើកបុកចូលក្បួន។
យោងតាមប្រពភពីស្នងការដ្ឋាននគរបាលរាជធានីភ្នំពេញ បានបញ្ជាក់នៅមុននេះបន្តិចយ៉ាងដូច្នេះថា «សេចក្តីបំភ្លឺរបស់ក្រុមប្រតិកម្មរហ័សនៃស្នងការដ្ឋាននគរបាលរាជធានីភ្នំពេញ»។
លោកវរសេនីយ៍ឯក សែម គន្ធា នាយការិយាល័យចរាចរណ៍ផ្លូវគោកបានអោយដឹងថា ពុំមានការបើករថយន្តចូលក្បួនថ្នាក់ដឹកនាំដូចសារព័ត៌មួយចំនួនបានចុះផ្សាយនោះទេ ដោយនៅវេលាម៉ោង៥ព្រឹក ត្រូវនឹងថ្ងៃទី១៣ ខែមិថុនា ឆ្នាំ២០១៩ កងកម្លាំងចរាចរនគរបាលផ្លូវគោក ដែលរៀបចំសណ្តាប់ធ្នាប់នៅតាមដងផ្លូវ និងសម្រួលចរាចរជូនគណ:ប្រតិភូជាតិ អន្តរជាតិ ក៏ដូចជាប្រជពលរដ្ឋនៅតំបន់នោះ បានឃើញរថយន្តម៉ាកព្រុសមួយគ្រឿងពាក់ស្លាកលេខភ្នំពេញ 2AZ-5242 បើកបរដោយបុរសម្នាក់ក្នុងល្បឿនលឿនរេចង្កូតពេញផ្លូវ ទើបក្រុមអន្តរាគមន៍ចរាចរចល័តតាមឃាត់រថយន្តនោះ ដើម្បីធ្វើការឃាត់ខ្លួនអ្នកបើកបរ និងជៀសវាងការបង្ករគ្រោះថ្នាក់ជាយថាហេតុ កម្លាំងនគរបាលបានឃាត់រថយន្តនោះបាននៅតាមបណ្តោយផ្លូវសហព័ន្ធរុស្សី ជិតរោងចក្រមិថុនានៅខណ្ឌសែនសុខ។
បន្ទាប់ពីការត្រួតពិនិត្យរួចបានបង្ហាញអោយឃើញថាបុរសម្នាក់នោះពិតជាមានសារជាតិស្រវឹងពិតប្រាកដមែន»។
ស្នងការដ្ឋាននគរបាលរាជធានីភ្នំពេញក៏បានបន្តទៀតថា សូមសារព័ត៌មានមួយចំនួនមេត្តាស្វែងរកព័ត៍មានអោយបានច្បាស់លាស់គ្រប់ជ្រុងជ្រោយ និងពិតប្រាកដជាមុនសិនមុននិងបង្ហោះជាសាធារណ: ព្រោះវាអាចធ្វើអោយមហាជនមានការយល់ច្រឡំ៕
