Saturday, July 13, 2019

​រថយន្ត​ដឹក​ថ្ម​ធ្ងន់​ឡេីង​ស្ពាន​អត់​រួច​ បណ្ដាល​ឲ្យ​ថយ​ក្រោយ​ជ្រុល​បុក​រះ​រថយន្ត​បួន​គ្រឿង​បណ្ដាល​ឲ្យ​រង​ការ​ខូចខាត​យ៉ាង​ដំណំ​

ភ្នំពេញ៖​ ម៉ោង​១០យប់​ថ្ងៃ​ទី​១២ខែ​កក្កដា​ឆ្នាំ​២០១៩ បុរស​ម្នាក់​បេីក​រថយន្ត​ដឹក​ថ្ម​ធ្ងន់​ឡេីង​ស្ពាន​អត់​រួច​បណ្ដាល​ឲ្យ​ថយ​ក្រោយ​ជ្រុល​បុក​រះ​រថយន្ត​បួន​គ្រឿង​បណ្ដាល​ឲ្យ​រង​ការ​ខូចខាត​យ៉ាង​ដំណំ ​នៅ​តាម​បណ្ដោយ​ផ្លូវ​ទន្លេ​បាសាក់​សង្កាត់​ទន្លេ​បាសាក់​ខណ្ឌ​ចំការមន​រាជធានី​ភ្នំពេញ​ តែ​សំណាង​ហេតុការណ៍​គ្រោះថ្នាក់​ចរាចរណ៍​នេះ​មិន​បណ្ដាល​ឲ្យ​មាន​អ្នក​រង​គ្រោះ​ថា្នក់​នោះ​ទេ​។ 

បើតាមប្រភព​ព័ត៌មាន​ពីប្រជាពរដ្ឋដែល​ឃើញ​ហេតុការណ៍​បាន​ប្រាប់​ឲ្យ​ដឹង​ថា​នៅ​មុន​ពេល​កេីតហេតុ​គេ​ឃើញ​រថយន្ត​ដឹក​ថ្ម​មួយ​គ្រឿង​ម៉ាក​HYUNDAI ពណ៌​ក្រហម​ពាក់​ស្លាក​លេខ​ព្រះសីហនុ​3A-3493បេីក​បរ​ក្នុង​ទិស​ដៅ​ពី​លិចទៅ​កេីត​បំរុង​ឡើង​ស្ពាន​តែ​ដោយ​សារ​រថយន្ត​ដឹក​ថ្ម​ធ្ងន់​ពេក​ឡើង​មិន​រួច​បណ្ដាល​ឲ្យ​រថយន្ត​ថយ​ក្រោយ​ជ្រុល​បុក​រថយន្ត​ស៊េរី​ទំនើប​មួយគ្រឿង​ម៉ាក​LEXUS LX570ពណ៌​ខ្មៅ​ពាក់​ស្លាក​លេខ​ភ្នំពេញ​2S-1981ចំពី​ក្រោយ​រង​ការ​ខូចខាត​ខ្ទេច​មួយ​កំណាត់​ក្រោយ​បណ្ដាល​ឲ្យ​ខ្ទាត​ទៅ​បុក​រថយន្ត​មួយ​គ្រឿង​ទៀត​ម៉ាក​PRIUS​ពណ៌​ក្រហម​ពាក់​ស្លាក​លេខ​ភ្នំពេញ​2BA-1829បណ្ដាល​ឲ្យ​រង​ការ​ខូចខាត​ផ្នែក​ខាង​ឆ្វេងយ៉ាង​ដំណំ​ ហេីយ​រថយន្ត​បង្ក​មិន​ទាន់​អស់​ល្បឿន​ក៏​ថយ​ទៅ​បុក​រថយន្ត​ដឹក​ធន់​ធំ​មួយ​គ្រឿង​ទៀត​រថយន្ត​កងពល​តូច​ដឹក​ជញ្ជួនលេខ​៩៩ពាក់​ស្លាក​លេខ​ ខ.ម​០១​ 3-8650ចំ​ជំហៀង​ជាប់​គ្នា​ទេីប​ឈប់​នៅ​មួយ​កន្លែង។

ក្រោយ​ពេល​កេីតហេតុ​សមត្ថកិច្ច​មូលដ្ឋាន​បាន​មកដល់​រួច​ធ្វើ​ការ​ទាក់​ទង​ទៅ​សមត្ថកិច្ច​ជំនាញ​ចរាចរណ៍​ដេីម្បីចុះ​មកធ្វើការវាស់វែង​យក​រថយន្ត​ទាំង​៤ទៅ​រក្សា​ទុក​នៅ​ការិយាល័យ​ចរាចរណ៍​ផ្លូវគោក​រាជធានី​ភ្នំពេញ​ដេីម្បី​រង​ចាំ​ដោះស្រាយ​គ្នា​ទៅ​តាម​ផ្លូវ​ច្បាប់​នៅ​ពេល​ក្រោយ​ផង​ដែរ​៕

Feature Ads