ភ្នំពេញៈ ប្រជាពលរដ្ឋ បានប្រទះឃើញសពមនុស្សម្នាក់ អណ្តែតទឹកទន្លេ កាលពីវេលាម៉ោង៥ល្ងាច ថ្ងៃអាទិត្យ ទី៧ ខែកក្កដា ឆ្នាំ២០១៩ នៅភូមិព្រះពន្លា សង្កាត់ព្រែកប្រា ខណ្ឌច្បារអំពៅ និងបានរាយការណ៍ទៅសមត្ថកិច្ចមូលដ្ឋានចុះមកពិនិត្យជាក់ស្តែង។
ប្រពភព័ត៌មានបានឲ្យដឹងថា មុនពេលកើតហេតុមានបងប្អូនអ្នកនេសាទ បានប្រទះឃើញសពជនរងគ្រោះអណ្តែតទឹកទន្លេ ដោយមានសភាពហើមស្អុយបាត់ទៅហើយ ទើបរាយការណ៍ប្រាប់ទៅសមត្ថកិច្ចមូលដ្ឋានភ្លាមៗ។
សមត្ថកិច្ច បានឲ្យដឹងថា ក្រោយពីទទួលបានព័ត៌មានភ្លាមកម្លាំង ក៏បានចុះទៅដល់ចំណុចកើតហេតុភ្លាមៗផងដែរ ដោយឃើញថា សពជនរងគ្រោះជាសង្ស័យជាមនុស្សប្រុស ពាក់អាវយឺតប្រផេះដៃវែង ស្លៀកខោខ្លីខៀវ ពាក់មួកស។
ក្រោយកើតហេតុសពជនរងគ្រោះយកទៅតម្កល់ទុកនៅវត្តចាក់អង្រែក្រោម ដើម្បីរង់ចាំខាងកោសលវិច្ឆ័យ ចុះមកពិនិត្យ និងកោសល្យវិច្ឆ័យទាំងយប់ និងស្វែងរកបងប្អូនមកទទួលយកទៅធ្វើបុណ្យតាមប្រពៃណី។
តាមការអះអាងរបស់សមត្ថកិច្ចជំនាញកោសល្យវិច្ឆ័យ បានអោយដឹងថា សពជាមនុស្សស្រី វ័យប្រហែល៣០ឆ្នាំជាង និងមិនមានស្នាកស្នាមអ្វី គួរអោយកត់សម្គាល់ឡើយ បច្ចុប្បន្ន កំពុងតម្កល់រង់ចាំរកសាច់ញាតិនៅសាលតម្កល់សព ក្នុងវត្តចាក់អង្រែក្រោម៕
