ព្រឹកថ្ងៃអាទិត្យ ទី១១ ខែសីហា ឆ្នាំ ២០១៩ លោកគួច ចំរើន អភិបាលខេត្តព្រះសីហនុ បាននាំយកអំណោយសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ចែកជូនគ្រួសាររងគ្រោះដោយទឹកជំនន់ទឹកភ្លៀងចំនួន២០គ្រួសារ នៅឃុំព្រៃនប់ ស្រុកព្រៃនប់ ខេត្តព្រះសីហនុ។ជាមួយគ្នានេះ លោកសូមថ្លែងអំណរគុណ ចំពោះ លោក លោកស្រីអភិបាលរងខេត្ត គណៈបញ្ជាការឯកភាពខេត្តក្រុងស្រុក តំបន់ប្រត្តិបត្តិការសឹករងខេត្ត កម្លាំងមូលដ្ឋានសមុទ្ររាម កងកម្លាំងឆត្រយោង៩១១ កម្លាំងកងពល៩៩ នគរបាលព្រំដែនទឹក អាជ្ញាធរឃុំសង្កាត់ សាខាកាកបាទក្រហម ប្រជាការពារ និងវិស័យឯកជនមួយចំនួន ដែលបានរួមចំណែកយ៉ាងសកម្មក្នុងការជួយសង្គ្រោះប្រជាពលរដ្ឋ។ ខ្ញុំក៏សូមអោយកងកម្លាំង និងបណ្តាលអង្គភាពពាក់ព័ន្ធទាំងអស់នៅតែយកចិត្តទុក និងត្រៀមកម្លាំងជាប់ជាប្រចាំដេីម្បីជួយសង្គ្រោះប្រជាពលរដ្ឋ ក្នុងករណីមានហេតុការណ៍កេីតឡេីង។
