Page Nav

HIDE

Grid

GRID_STYLE

Recent in Sports

FALSE

Classic Header

{fbt_classic_header}

Top Ad

Sponsor Sponsor

សមត្ថកិច្ចស្លៀកស៊ីវិលមួយក្រុម ដេញចាប់ជនសង្ស័យម្នាក់ កំពុងបើកកង់បីឥណ្ឌា ចោទថា ពាក់ព័ន្ធគ្រឿងញៀន

អានផ្សេងទៀត

ភ្នំពេញៈ កម្លាំងសមត្ថកិច្ចកស៊ីវិលមួយក្រុមមានគ្នាប្រមាណ៧-៨នាក់ បានដេញតាមចាប់​ខ្លួនបានជនសង្ស័យម្នាក់ ក្នុងចំណោមបក្ខពួក២នាក់ កំពុងបើកកង់បីឥណ្ឌា មួយគ្រឿង ដោយសមត្ថកិច្ចចោទថា ពាក់ព័ន្ធនឹងបទល្មើសគ្រឿងញឿន។

ហេតុការណ៍នេះ បង្កការភ្ញាក់ផ្អើលដល់បងប្អូនប្រជាពលរដ្ឋ កាលពីវេលាម៉ោង៧យប់ថ្ងៃទី៣០ ខែតុលា ឆ្នាំ២០១៩ នៅចំណុចក្រោមស្ពានអាកាសស្ទឹងមានជ័យ  ផ្លូវ២៧១ សង្កាត់ទំបន់ទឹក  ខណ្ឌបឹងកេងកង  រាជធានីភ្នំពេញ។

ជនសង្ស័យ ដែលជាអ្នកបើកកង់បីឥណ្ឌា សមត្ថកិច្ចមិនអនុញ្ញាតឲ្យស្គាល់អត្តសញ្ញាណទេ ចំណែកជនសង្ស័យម្នាក់ទៀត លោតចុះពីកង់បីឥណ្ឌា រត់គេចខ្លួនបាត់ស្រមោល។

តាមសម្តីកម្លាំងសមត្ថកិច្ចស៊ីវិលម្នាក់ បានឲ្យដឹងថា នេះគឺជាករណីបង្រ្កាបគ្រឿងញៀន  ហើយជនង្ស័យខាងលើនេះ ជាមុខសញ្ញាជួញដូរគ្រឿងញៀន ដែលកម្លាំងសមត្ថកិច្ចស្រាវជ្រាវ និងបានតាមដានរហូតមកដល់ចំណុចមុខមន្ទីរពេទ្យសូវៀត-កម្ពុជា (ពេទ្យរុស្ស៉ី) ដោយឃើញមានការសង្ស័យ កំពុងចរាចរគ្រឿងញៀន ក៏ធ្វើការសួរនាំ តែជនសង្ស័យបានបើកកង់បីឥណ្ឌាព្យាយាមគេចខ្លួនមកដល់ក្រោមស្ពានអាកាសស្ទឹងមានជ័យ ក៏ឃាត់ខ្លួនបានម្នាក់ រួមនឹង កង់បីឥណ្ឌាមួយគ្រឿង ពណ៌ស ស្លាកលេខភ្នំពេញ 1HF-3968 ចំណែកជនសង្ស័យម្នាក់ទៀត បានរត់គេចខ្លួនបាត់សមោល។

ក្នុងហេតុការណ៍នោះ កម្លាំងសមត្ថកិច្ចស៊ីវិលទាំងនោះ មិនបានបញ្ជាក់ថា មានគ្រឿងញៀន ឬអត់នោះទេ  ហើយភ្លាមៗនោះ សមត្ថកិច្ច​បាននាំជនសង្ស័យ រួមទាំងកង់បីឥណ្ឌា ចេញពីកន្លែងកើតហេតុបាត់៕

Sponsor