Page Nav

HIDE

Grid

GRID_STYLE

Recent in Sports

FALSE

Classic Header

{fbt_classic_header}

Top Ad

Sponsor Sponsor

ស្ត្រីម្នាក់ ស្លាប់មួយរំពេច បុរសម្នាក់ទៀត រងរបួសធ្ងន់ ក្រោយជិះម៉ូតូឌុបគ្នា ត្រូវរថយន្តមិនស្គាល់ម៉ាក បុកពេញទំហឹង រួចបើក​គេចខ្លួនបាត់

អានផ្សេងទៀត

ភ្នំពេញៈ ស្ត្រីម្នាក់ បានស្លាប់ភ្លាមៗយ៉ាងរន្ធត់ និងបុរសម្នាក់ទៀត រងរបួសធ្ងន់ ត្រូវបានបញ្ជូនទៅសង្គ្រោះព្យាបាលនៅមន្ទីរពេទ្យ ក្រោយជិះម៉ូតូឌុបគ្នាតាមដងផ្លូវ ហើយត្រូវបានរថយន្តមិនស្គាល់ម៉ាក បុកពេញទំហឹង រួចប្រញាប់បើក​រត់គេចខ្លួនបាត់។

គ្រោះថ្នាក់ចរាចរណ៍នេះ កើតឡើងកាលពីវេលាម៉ោង៥៖៣០នាទីព្រឹកថ្ងៃទី៣០ ខែតុលា ឆ្នាំ២០១៩ លើផ្លូវជាតិលេខ១ នៅចំណុចមុខមណ្ឌលសុខភាពក្បាលកោះ ក្នុងខណ្ឌច្បារអំពៅ រាជធានីភ្នំពេញ។

សពស្ត្រីរងគ្រោះ  និងបុរស រងរបួសធ្ងន់ខាងលើ ពុំទាន់ស្គាល់អត្តសញ្ញាណនៅឡើយទេ។

តាមប្រភពព័ត៌មានបានឲ្យដឹងថា មុនពេលកើតហេតុ គេឃើញមនុស្សប្រុសស្រី២នាក់ បានជិះម៉ូតូមួយគ្រឿងម៉ាក ហុងដាសេ១២៥ ពណ៌ខ្មៅ ពាក់ស្លាកលេខ ភ្នំពេញ 1HY-7234 តាមបណ្តោយផ្លូវជាតិលេខ១ លុះដល់ចំណុចកើតហេតុ ក៏ត្រូវបានរថយន្តមិនស្គាល់ម៉ាក បុកពេញទំហឹង បណ្តាលឲ្យស្ត្រីម្នាក់ស្លាប់យ៉ាងរន្ធត់ភ្លាមៗ និងបុរសម្នាក់ទៀតរបួសធ្ងន់ ត្រូវបានបញ្ជូនទៅសង្គ្រោះព្យាបាលនៅមន្ទីរពេទ្យ។ ចំណែករថយន្តបង្ក បានបន្តល្បឿនបើកគេចខ្លួនបាត់ស្រមោល ។

ក្រោយកើតហេតុ សមត្ថកិច្ចមូលដ្ឋាន សហការជាមួយសមត្ថកិច្ចជំនាញចុះមកវាស់វែង យកម៉ូតូជនរងគ្រោះទៅរក្សាទុក ដើម្បីស្រាវជ្រាវវរករថយន្តបង្ក មកដោះស្រាយគ្នាតាមច្បាប់ ។ ចំណែកសាកសពស្ត្រីខាងលើ សមត្ថកិច្ចរកសាច់ញាតិមិនទាន់ឃើញទេ ដូច្នេះ​បើប្អូនណាបាត់សាច់ញាតិអាចមកមើលបាន ពេលនេះកំពុងតម្កល់ទុកនៅវត្តរង់ចាំសាច់ញាតិមកយក៕

Sponsor