ភ្នំពេញ៖ដំណើរទស្សនកិច្ចរមួយរបស់គណៈប្រតិភូមិត្តអ្នកកាសែតកម្ពុជាដឹកនាំដោយ លោក អ៊ុក គឹមសេង អនុរដ្ឋលេខាធិការក្រសួងពត៌មាន រៀបចំដោយស្ថានទូតចិនប្រចាំកម្ពុជា កាលពីថ្ងៃទី១០ដល់១៦វិច្ឆិកា ប្រតិភូមិត្តអ្នកកាសែតកម្ពុជាបានអនុញ្ញាតិទៅទស្សនកិច្ចស្វែងយល់នៅទីស្នាក់ធំនៃក្រុមហ៊ុនឧស្សាហកម្មយានយន្តBYD ស្ថិតនៅទីក្រុងស៊ិនជិនខេត្តក្វាងទុងប្រទេសចិន។
នៅទីនោះលោក Henry Yip នាយកជាន់ខ្ពស់ប្រចាំតំបន់នៃក្រុមហ៊ុនឧស្សាហកម្មយានយន្ត BYD ប្រទេសចិនបានអះអាងឲ្យដឹងថានៅឆ្នាំ ២០២០ ខាងមុខនេះក្រុមហ៊ុនផលិតរថយន្តប្រើថ្មសាកអគ្គីសនីនឹងបើកការិយាល័យលក់មួយជាលើកដំបូងនៅទីក្រុងភ្នំពេញ បន្ទាប់ពីក្រុមហ៊ុន បានលក់រថយន្តប្រើថ្មសាកអគ្គីសនី ចំនួន៣០គ្រឿងរួចហើយមក ឲ្យក្រុមហ៊ុនតាក់ស៊ីមួយនៅក្រុងព្រះសីហនុ។
