Page Nav

HIDE

Grid

GRID_STYLE

Recent in Sports

FALSE

Classic Header

{fbt_classic_header}

Top Ad

Sponsor

តុលាការ​ខេត្ត​ស្ទឹងត្រែង​ ​បាន​សម្រេច​ឃុំខ្លួន​បុរស​ម្នាក់ ​ក្រោយប្រើ​ឧបករណ៍​នេសាទ​ឆក់​ត្រី​ខុសច្បាប់​

អានផ្សេងទៀត

ស្ទឹងត្រែង ៖កាលពី​ព្រឹក​ថ្ងៃ​ទី​២៦​ ខែ​វិច្ឆិកា ​ឆ្នាំ​២០១៩ម្សិលមិញនេះ ​តុលាការ​ខេត្ត​ស្ទឹងត្រែង​ ​បាន​សម្រេច​ឃុំខ្លួន​បុរស​ម្នាក់ ​ពាក់ព័ន្ធ​ក្នុង​ករណី​ប្រើ​ឧបករណ៍​នេសាទ​ឆក់​ត្រី​ខុសច្បាប់​ ទៅ​កាន់​ពន្ធនាគារ ក្រោយពី​កម្លាំង​ជលផល​ខេត្ត​ធ្វើការ​ឃាត់ខ្លួន​កាលពី​ថ្ងៃទី២៤ ​ខែ​វិច្ឆិកា ​ឆ្នាំ២០១៩​ ត្រង់ចំណុច​ដង​ទន្លេសេកុង ​ស្ថិតក្នុង​ភូមិ​ស្រែ​តា​ប៉ាន ឃុំ​សាម​ឃួ​យ​ស្រុក​សេសា​ន ខេត្តស្ទឹងត្រែង។

ជនសង្ស័យ ​ដែល​សមត្ថកិច្ច​ឃាត់ខ្លួន​មាន​ឈ្មោះ​នី នូ​ ភេទ​ប្រុស​ អាយុ ២៩​ឆ្នាំ ​រស់នៅ​ភូមិ​ស្រែ​តា​ប៉ាន​ ឃុំ​សាម​ឃួ​យ ស្រុក​សេសា​ន ខេត្ត​ស្ទឹងត្រែង។

មន្ត្រី​ជលផល​ បាន​ឲ្យ​ដឹង​ថា​ នៅ​ថ្ងៃ​ខាងលើ​ កម្លាំង​ជលផល​ បាន​សហការ​ជាមួយ​ក្រុម​អភិរក្ស​ត្រី​មេ​ពូជ​ចុះ​បង្ក្រាប​បទល្មើស​ឆក់​ត្រី​ជាក់ស្តែង​ នៅ​កំពង់ទឹក​ភូមិ​ស្រែ​តា​ប៉ាន ក្នុងនោះ​កម្លាំង​បាន​ឃាត់ខ្លួន​ជនសង្ស័យ​ម្នាក់ និង​បាន​ដកហូត​នូវ​វត្ថុតាង​រួមមាន​៖ ក្បាល​ឆក់ (​ក្តៅ​) ចំនួន​០១​គ្រឿង ថ្នង​ដងត្រី​ចំនួន ០១​គ្រឿង អាគុយ​ម៉ាក JP កម្លាំង ៥០​អំពែរ​ចំនួន ០១​គ្រឿង ទូក​ឈើ​ក្បាល​ស្រួច​ប្រវែង ០៧​ម៉ែត្រ ចំនួន​០១​គ្រឿង ម៉ាស៊ីន ម៉ាក Hinota កម្លាំង ១៨​សេះ ចំនួន​០១​គ្រឿង និង​ត្រី​ក្អែក​ចំនួន ០៥​ក្បាល ទម្ងន់​១៣.៦​គីឡូក្រាម។

នៅ​ព្រឹក​ថ្ងៃទី២៦​ វិច្ឆិកា​នេះ ជនសង្ស័យ​ប្រើ​ឧបករណ៍​នេសាទ​ឆក់​ត្រី​ខុសច្បាប់ ​ត្រូវបាន​អយ្យការ​អម​សាលាដំបូង​ខេត្តស្ទឹងត្រែង​ សម្រេច​ឃុំខ្លួន​បណ្ដោះអាសន្ន​នៅ​ពន្ធនាគារ​ក្រាំ​មេម៉ាយ​រង់ចាំ​ការស៊ើបអង្កេត​បន្ត៕

Sponsor