Page Nav

HIDE

Grid

GRID_STYLE

Recent in Sports

FALSE

Classic Header

{fbt_classic_header}

Top Ad

Sponsor Sponsor

ឃាត់ខ្លួនជនជាតិ​វៀតណាម​ម្នាក់ទៀត ក្រោយបង្ហោះ DRONE ចាប់​រូបភាព​ និង​ទិដ្ឋភាព​នានា តំបន់ហាមឃាត់

អានផ្សេងទៀត

ភ្នំពេញ​ ៖​ ​កាលពី​វេលា​ម៉ោង​១៩ ​និង​០០​នាទី​ថ្ងៃទី​១៩​ ខែ​វិច្ឆិកា ​ឆ្នាំ​២០១៩​ ជនជាតិ​វៀតណាម​ម្នាក់ទៀត​ ត្រូវបាន​កម្លាំង​នគរបាល​ខណ្ឌ​ដូនពេញ​ឃាត់ខ្លួន​ ដោយសារ​បង្ហោះ​យន្តហោះ​តេ​ឡេ​កុម្ម៉ង់​ប្រភេទ​Drone​ នៅលើ​តំបន់​ហាមឃាត់​ ដើម្បី​ចាប់​រូបភាព​ និង​ទិដ្ឋភាព​នានា ត្រង់ចំណុច​មុខ​ព្រះបរមរាជវាំង​ភូមិ​១​ ផ្លូវ​សុធារស ​សង្កាត់​ជ័យជំនះ​ ខណ្ឌ​ដូនពេញ រាជ​ធានី​ភ្នំពេញ។

ជនសង្ស័យឈ្មោះ​ ចាំង វ៉ាន់​យ៉ូ ហៅ​សុខ ហេង ​ភេទ​ប្រុស អាយុ​២០​ឆ្នាំ ជនជាតិ​វៀតណាម មុខរបរ​ជាងឈើ ​ពុំ​មាន​លិខិតឆ្លងដែន (​រស់នៅ​ប្រទេស​កម្ពុជា​តាំង​ពី​ឆ្នាំ​១៩៩៩​មក​ម្ល៉េះ​)​ ស្នាក់​នៅផ្ទះ​លេខ​២៥​អឺ​៣ ផ្លូវ​លេខ​៣០០ សង្កាត់​បឹង​កេងកង​២ ខណ្ឌ​ចំការមន រាជធានី​ភ្នំពេញ​។​

រីឯ​សម្ភារៈ​ដកហូត​បាន​រួមមាន ៖ ​យន្តហោះ​បំពាក់​កាមេរ៉ា​ថតរូប​០១ ម៉ាក​SG906 ខ្មៅ​០១​គ្រឿង​ ផលិត​នៅ​ប្រទេស​ចិន ថ្ម​ចំនួន​០១​ដុំ តេ​ឡេ​បញ្ជា​ចំនួន​០១ ​និង​ទូរស័ព្ទ​ចំនួន​០១​គ្រឿង​ពណ៌​ខៀវ​(​សមុទ្រ​)​ម៉ាក់ oppo finds។

ប្រភព​ព័ត៌មាន​ពី​កន្លែងកើតហេតុ​បាន​ឲ្យ​ដឹងថា​ នៅ​មុនពេល​កើតហេតុ​ គេ​ឃើញ​បុរស​ជនជាតិ​វៀត​ណាម​រូបនោះ​ បាន​ដើរ​កាន់​ថង់​ដាក់​ប្រអប់​យន្តហោះ​តេ​ឡេ​ប្រភេទ​ត្រូ​ន លុះ​​ពេល​ដើរ​មកដល់​ខាង​មុខ​ព្រះបរមរាជវាំង​ ក៏បាន​ឈប់ ហើយ​បើក​ប្រអប់​យក​យន្តហោះ​ប្រភេទ​ត្រូ​ន​ដែល​បំពាក់​កាមេរ៉ា​ថតរូប​បង្ហោះ​លើ​តំបន់​ហាមឃាត់​ខាងមុខ​ព្រះបរមរាជវាំង​ ពេលនោះ​ដែរ​ ក៏មាន​ការ​រាយការណ៍​ទៅ​កម្លាំង​សមត្ថកិច្ច​មូលដ្ឋាន​ភ្លាមៗ​អំពី​បញ្ហា​នោះ​ ទើប​កម្លាំង​មូលដ្ឋាន​ប៉ុស្តិ៍​ជ័យជំនះ​ចុះ​មក​នាំ​ខ្លួន​បុរស​បរទេស​រូបនោះ​ភ្លាមៗ​ រួមទាំង​វត្ថុ​តាង​ទៅកាន់​ស្នាក់​ការ​ប៉ុស្តិ៍​ដើម្បី​សួរនាំ។

បច្ចុប្បន្ន ​ប៉ុស្តិ៍​នគរបាល​រដ្ឋបាល​ជ័យជំនះ ​នៃ​អធិការ​នគរបាល​ខណ្ឌ​ដូនពេញ​ បាន​បញ្ជូន​ទៅ​នាយក​ដ្ឋាន​ប្រឆាំង​បទល្មើស​បច្ចេកវិទ្យា ​ដើម្បី​ចាត់ការ​បន្ត​ទៀត​៕​

Sponsor