Page Nav

HIDE

Grid

GRID_STYLE

Recent in Sports

FALSE

Classic Header

{fbt_classic_header}

Top Ad

Sponsor

ប្រយ័ត្ន! មានជនខិលខូច​បន្លំខ្លួនជាមន្ត្រីកាំកុងត្រូល​ដើរទារលុយ ជាថ្នូរនឹងការមិនចុះពិនិត្យទីតាំងអាជីវកម្ម

អានផ្សេងទៀត

ភ្នំពេញ៖ យោងតាមសេចក្តីជូនដំណឹងរបស់ក្រសួងពាណិជ្ជកម្ម កាលពីថ្ងៃទី៣ ខែធ្នូ ឆ្នាំ២០១៩ បានឱ្យដឹងថា ក្រសួងពាណិជ្ជកម្ម សូមអំពាវនាវឱ្យម្ចាស់ក្រុមហ៊ុន សហគ្រាស សិប្បករ ពាណិជ្ជករ និងអាជីវករនៅទូទាំងប្រទេសប្រុងប្រយ័ត្នឱ្យបានខ្ពស់ ព្រោះបច្ចុប្បន្ននេះមានជនខិលខូចបន្លំខ្លួនជាមន្ត្រីកាំកុងត្រូលដើរទារលុយ ជាថ្នូរនឹងការមិនចុះពិនិត្យទីតាំងអាជីវកម្មនានា ឬជួយដោះស្រាយបញ្ហាផ្សេងៗ ។

ស្របពេល អគ្គនាយកដ្ឋានកាំកុងត្រូល បាននិងកំពុងអនុវត្តតួនាទីត្រួតពិនិត្យទំនិញ និងសេវា ទាំងក្នុងក្របខណ្ឌទទួលខុសត្រូវផ្ទាល់ និងកិច្ចសហការជាមួយស្ថាប័នពាក់ព័ន្ធ ដើម្បីទប់ស្កាត់ និងបង្ក្រាបការក្លែងបន្លំពាណិជ្ជកម្ម ធានាគុណភាព សុវត្ថិភាព និងអនុលោមភាពនៃផលិតផលទំនិញ និងសេវា ការពារសិទ្ធិ និងផលប្រយោជន៍របស់អ្នកប្រើប្រាស់ ក៏មានជនខិលខូចមួយចំនួន បានបន្លំខ្លួន ឬប្រើប្រាស់តួនាទីជាមន្ត្រីកាំកុងត្រូល ដើរទារប្រាក់ពីម្ចាស់ក្រុមហ៊ុន សហគ្រាស សិប្បករ ពាណិជ្ជករ និងអាជីវករ ដោយអះអាងជាថ្នូរការជួយដោះស្រាយបញ្ហា ឬសម្របសម្រួលលើបាតុភាពណាមួយ ឬជាថ្នូរនឹងការមិនចុះត្រួតពិនិត្យជាដើម។

ក្នុងសេចក្តីជូនដំណឹងនេះ ក្រសួងពាណិជ្ជកម្ម បានអំពាវនាវឱ្យម្ចាស់ក្រុមហ៊ុន សហគ្រាស សិប្បករ ពាណិជ្ជករ និងអាជីវករនៅទូទាំងប្រទេស ត្រូវប្រុងប្រយ័ត្នឱ្យខ្ពស់ចៀសវាងការចាញ់បោកជនខិលខូច ហើយខាតបង់ថវិកាទាំងឥតប្រយោជន៍។

ក្រសួងពាណិជ្ជកម្មបានបញ្ជាក់ថា រាល់ប្រតិបត្តិការការងាររបស់មន្ត្រីជំនាញរបស់អគ្គនាយកដ្ឋានកាំកុងត្រូល គឺមានសំលៀកបំពាក់ជាឯកសណ្ឋានការងារ ដោយមានភ្ជាប់ស្លាកឈ្មោះ លេខសម្គាល់ខ្លួន និងមានលិខិតបញ្ជាបេសកកម្មត្រឹមត្រូវ ច្បាស់លាស់។

ជាមួយគ្នានេះដែរ ក្រសួងក៏បានអំពាវនាវដល់ម្ចាស់ក្រុមហ៊ុន សហគ្រាស សិប្បករ ពាណិជ្ជករ និងអាជីវករនៅទូទាំងប្រទេស បើមានការសង្ស័យជាយថាហេតុណាមួយ សូមសហការជាមួយអគ្គនាយកដ្ឋានកាំកុងត្រូល តាមរយៈអាស័យដ្ឋានៈ ផ្លូវបេតុងលេខ១៨ ភូមិក្តីតាកុយ សង្កាត់វាលស្បូវខ័ណ្ឌច្បារអំពៅ រាជធានីភ្នំពេញ ឬទាក់ទងទូរស័ព្ទលេខ ០២៣ ២៣១ ៨៥៦។

Sponsor