រាជរដ្ឋាភិបាលបានចេញសារាចរស្តីពីវិធានការទប់ស្កាត់ និងកាត់បន្ថយការបំពុលខ្យល់សាធារណៈ ដោយបានតាមដានទៅលើកំហាប់ភាគល្អិតនិចលមានវិជ្ឈមាត្រតូចជាង២,៥មីក្រូម៉ែត ដែលហៅកាត់ថា PM2.5 គឺមានការកើនឡើងក្នុងកម្រិតអាចបង្កហានិភ័យដល់សុខភាពសាធារណៈ និងគុណភាព បរិស្ថាន។
កំហាប់ភាគល្អិតកើតឡើងពីការបញ្ចេញផ្សែងពីរោងចក្រឧស្សាហកម្ម ពីយានយន្តប្រើប្រាស់ប្រេងម៉ាស៊ូត និងពីចំហេះឥន្ធនៈផ្សេងៗ ភ្លើងឆេះព្រៃ ការដុតរានដីព្រៃ ការដុតវាលស្មៅ ការដុតសំរាម ការដុតសំណល់រឹងនៅតាមទីវាល និងទីលានចាក់សំណល់ និងការរដ្ឋានសំណង់ជាដើម។ការបំពុលខ្យល់នេះ នឹងមានសភាពកើនឡើងជាបន្តនាឆ្នាំបន្ទាប់ ប្រសិនបើមិនមានវិធានការគ្រប់គ្រងអោយបានសមស្រប។
ដើម្បីដោះស្រាយបញ្ហានេះ រាជរដ្ឋាភិបាលក៏បានចេញវិធានការមួយចំនួនដូចជា ការគ្រប់គ្រងការដ្ឋានសំណង់ ការគ្រប់គ្រងគុណភាពប្រេងឥន្ធនៈដែលមានជាតិស្ពាន់ធ័រខ្ពស់ ការគ្រប់គ្រងការបញ្ចេញសារធាតុបំពុលខ្យល់ពីយានយន្ត ការគ្រប់គ្រងការបញ្ចេញសារធាតុបំពុលខ្យល់ពីទីតាំងផលិតកម្ម ការគ្រប់គ្រងការដុតសំណល់នៅទីចំហ ការកែលម្អការគ្រប់គ្រងនិងធ្វើអោយប្រសើរឡើងបរិស្ថានទីប្រជុំជន និងការបង្កើតប្រព័ន្ធតាមដាននិងព្យាករណ៍ការបំពុលខ្យល់ជាដើម។
ផ្ដល់សិទ្ធិដោយ៖ KhmerNas