កូនដំរីរូបរាងស្គាំងស្គមមួយក្បាល ត្រូវបានប្រទះឃើញនៅភ្នំព្រេចខេត្តមណ្ឌលគីរី។នេះបើតាមការបង្ហោះនៅក្នុងហ្វេសប៊ុកនៅថ្ងៃសៅរ៍នេះរបស់លោក សាយ សំអាល់ រដ្ឋមន្រ្តីក្រសួងបរិស្ថាន។
លោក សាយ សំអាល់ បញ្ជាក់ថា កូនដំរីនេះត្រូវជួយសង្គ្រោះផ្ដល់ចំណីដោយមន្ត្រីឧទ្យានុរក្ស។
កាលពីថ្ងៃទី១៥មករានេះ កូនដំរីមួយក្បាលត្រូវបានអ្នកនេសាទប្រទះឃើញអណ្ដែតទឹកងាប់ ក្នុងអូរលាវស្ថិតនៅចំណុចព្រំប្រទល់រវាងខេត្តរតនគីរីនិងខេត្តមណ្ឌលគីរី ដែលការប្រទះឃើញនេះ ក្រោយពីមានហ្វូងដំរីមួយក្រុមដែលមានគ្នាពី២០ទៅ៣០ក្បាល បានចូលមកចូលមកឧទ្យាជាតិអូរយ៉ាដាវខេត្តរតនគីរី ដោយបានកាច់បំបាក់ដើមឬស្សីនិងមែកឈើ មុននឹងវិលត្រឡប់ចូលទៅក្នុងទឹកដីខេត្តមណ្ឌលគីរីវិញ៕
ផ្ដល់សិទ្ធិដោយ៖ KhmerNas