ភ្នំពេញ៖ ភ្ញាក់ផ្អើលកាលពីវេលាម៉ោង៨យប់ ថ្ងៃទី២៨ ខែមករា ឆ្នាំ២០២០ ដោយបុរសជនជាតិចិនចំនួន២នាក់ បានកាន់ទូរស័ព្ទម៉ាក iPhone x max លក់ទៅឲ្យគូស្នេហ៍មួយគូ ក្នុងតម្លៃ៥០០ដុល្លារ ខណៈតថ្លៃគ្នាត្រូវសល់តែ៤០០ដុល្លារ ភាគីទាំងសងខាងបានព្រមព្រៀងគ្នាហើយបែរជាជនជាតិចិនបន្លំយកទូរស័ព្ទក្លែងក្លាយមកឲ្យវិញ ទើបជនជាតិខ្មែរស្រែកផ្អើលអ្នកជិតខាងឃាត់បានភ្លាមៗតែម្តង នៅក្នុងសួនសត្វ កោះពេជ្រ ស្ថិតក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ ។
ក្រោយកើតហេតុ សមត្ថកិច្ចបានចុះទៅដល់ចំណុចកើតហេតុ និងនាំជនជាតិចិនទាំង២នាក់មកសួរនាំនៅប៉ុស្តិ៍រដ្ឋបាលនគរបាលទន្លេបាសាក់តែម្តង ។
បន្ទាប់ពីសួរនាំ និងហៅអ្នកបងប្រែមកទើបដឹងថា ជាការយល់ច្រឡំនឹងគ្នារួចក៏ដោះលែងជនជាតិចិនទាំង២នាក់វិញដោយពុំមានអ្នកប្តឹងនោះទេ ៕
