header ads

Sponsor

(ភ្នំពេញ)៖ កាលពីវេលា ម៉ោង២:២០នាទីយប់ រំលងអធ្រាត្រ ឈានចូលថ្ងៃព្រហស្បតិ៍ ទី១៣ ខែកម្ភៈ ឆ្នាំ២០២០ នារីស្រស់ស្អាតម្នាក់ បានជួបគ្រោះថ្នាក់ចរាចរ ដោយបើករថយន្តជ្រុល ពន្លះរបាំងថ្ម ក្រឡាប់ នៅផ្លូវ២១៧ ចំណុចគល់ស្ពានស្ទឹងមានជ័យ សង្កាត់ស្ទឹងមានជ័យទី២ ខណ្ឌមានជ័យ និងស្លាប់ពេលបញ្ជូនដល់មន្ទីរពេទ្យ។

នារីរងគ្រោះឈ្មោះ ហុង វ៉ានដូ ភេទស្រី អាយុ២៥ឆ្នាំ មុខរបររៀនខាងសម្អាង នៅម្តុំផ្សារថ្មី រស់នៅក្នុងបុរីពិភពថ្មី ចំការដូងផ្ទះលេខ២៦៣ ផ្លូវលេខ១៣ ជិះរថយន្តម៉ាក ម៉ាស្តារ ពណ៌ស ពាកស្លាកលេខ ភ្នំពេញ2AQ-6626 បើកតែម្នាក់ឯង(ស្លាប់)។

បើតាមសាក្សីនៅកន្លែងកើតហេតបានឲ្យដឹងថាមុនពេលកើតហេតុ នារីរងគ្រោះ បើករថយន្ត តាមបណ្តោយផ្លូវ២១៧ ក្នុងទិសដៅពីត្បូងទៅជើង ក្នុងល្បឿនលឿន ខណៈមកដល់ ចំណុចកើតហេតុ បានរ៉េចង្កូតមកខាងឆ្វេងដៃ ទៅបុកក្បាលថ្ម ពុះចែកទ្រូងផ្លូវ ពេញទំហឹងរថយន្តក្រឡាប់ផ្ងារជើង បណ្ដាលឲ្យម្ចាស់រថយន្ត រងរបួសធ្ងន់ ក៏ត្រូវរថយន្តគ្លីនិចឯកជនសួគ៌ា ដឹកទៅសង្គ្រោះតែជាអកុសលរងរបួសធ្ងន់ធ្ងរពេកក៏បានផុតដង្ហើមក្នុងមន្ទីរពេទ្យ។

ក្រោយកើតហេតុសមត្ថកិច្ចស្ទូចយករថយន្តទៅរក្សារទុករង់ចាំដោះស្រោយនៅពេលក្រោយ ចំណែកសាកសពប្រគល់ជូនក្រុមគ្រួសារយកទៅធ្វើបុណ្យតាមប្រពៃណី៕

ហាមដាច់ខាតការយកអត្ថបទទៅចុះផ្សាយឡើងវិញ ឬអានធ្វើជាវីដេអូដោយគ្មានការអនុញ្ញាត!

លោកអ្នកអាចបញ្ចេញមតិនៅទីនេះ!

Feature Ads

Previous Post Next Post