header ads

Sponsor

ប្រទេស​វៀតណាម​បានប្រកាស​អាសន្ន​នៃ​ការរីក​រាលដាល​នៃ​មេរោគ​ឆ្លង​វីរុស​កូ​រ៉ូ​ណា​ថ្មី​កាលពី​ថ្ងៃ​សៅរ៍ ហើយ​បាន​បញ្ជាក់ទៀតថា ខ្លួន​នឹង​បញ្ឈប់​រាល់​ជើងហោះហើរ​ទាំងអស់​ទៅ​និង​មកពី​ប្រទេស​ចិន។ រដ្ឋាភិបាល​វៀតណាម ក៏​នឹង​បញ្ឈប់​ការចេញ​ទិដ្ឋាការ​សម្រាប់​ភ្ញៀវទេសចរ​បរទេស ដែល​បាន​ទៅលេង​នៅ​ប្រទេស​ចិន​កាលពី​រយៈ​ពីរ​សប្តាហ៍​កន្លងមកនេះ​ដែរ។

នៅក្នុង​សេចក្តីថ្លែងការណ៍​មួយ ប្រទេស​វៀតណាម​បាន​និយាយថា រាល់​ការអនុញ្ញាត​សម្រាប់​ជើងហោះហើរ រវាង​វៀតណាម​និង​ចិន រួមមាន​ហុងកុង និង​ម៉ា​កាវ ក៏ដូចជា​កោះ​តៃវ៉ាន់ ត្រូវបាន​ផ្អាក​បណ្ដោះអាសន្ន​រហូតដល់​មានការ​ជូនដំណឹង​បន្ថែម។

ប៉ុន្តែ​ក្រសួងការបរទេស​តៃវ៉ាន់​បាន​និយាយ​នៅក្នុង​សេចក្តីថ្លែងការណ៍​មួយ​ថា ខ្លួន​បាន​និយាយ​ទៅកាន់​រដ្ឋាភិបាល​វៀតណាម ដើម្បី​ស្នើ​សុំឱ្យ​វៀតណាម​ដក​ការ​បំរាម​លើ​ជើង​ហោះ​របស់​តៃវ៉ាន់​វិញ។

ក្រុមហ៊ុន​អាកាសចរណ៍​ធំ​បំផុត​របស់​កោះ​តៃវ៉ាន់​ក៏បាន​និយាយថា ជើងហោះហើរ​របស់ខ្លួន​បាន​ដំណើរការ​ឡើងវិញ​ជាធម្មតា បន្ទាប់ពី​ត្រូវ​បង្ខំចិត្ត​លុបចោល​ជើងហោះហើរ​ទៅកាន់​ទីក្រុង​ហាណូយ​កាលពី​ថ្ងៃ​សៅរ៍។

អាជ្ញាធរ​អាកាសចរណ៍​ស៊ីវិល​របស់​វៀតណាម​បាន​បញ្ជាក់ថា ក្រុមហ៊ុន​អាកាសចរណ៍​នានា​នៅតែ​អាច​ប្រតិបត្តិការ​ជើងហោះហើរ​ទៅកាន់​តៃវ៉ាន់​បាន ប៉ុន្តែ​ជើងហោះហើរ​ទៅកាន់​ចិនដីគោក ហុងកុង និង​ម៉ា​កាវ​នៅតែ​ត្រូវបាន​ផ្អាក។

កោះ​តៃវ៉ាន់​គឺជា​វិនិយោគិន​ដ៏​សំខាន់​មួយ​នៅ​ប្រទេស​វៀតណាម ដោយ​វិនិយោគ​ប្រហែល៣២ពាន់​លាន​ដុល្លារ​ក្នុង​រយៈពេល ៣ទសវត្ស​ចុងក្រោយ​នេះ៕

ប្រភព៖ Reuter

ផ្ដល់សិទ្ធិដោយ៖ Khmernas

Feature Ads

Previous Post Next Post
Sponsor