បុគ្គលិកសុខាភិបាលថៃម្នាក់ ត្រូវបានគេរកឃើញថា បានឆ្លងវីរុសកូវិដ-២០១៩(Covid-19) កាលពីថ្ងៃសុក្រ ដែលធ្វើអោយចំនួនសរុបនៃការឆ្លងវីរុសនេះ នៅក្នុងប្រទេសថៃកើនដល់៣៤ចាប់តាំងពីខែមករា។លោក Suwanchai Wattanayingcharoenchai អគ្គនាយកនៃនាយកដ្ឋានប្រយុទ្ធនឹងជំងឺបាននិយាយនៅថ្ងៃសៅរ៌ថា អ្នកគ្រូពេទ្យអាយុ៣៥ឆ្នាំបានឆ្លងជំងឺនេះពីអ្នកជំងឺ។
ការស៊ើបអង្កេតបានបង្ហាញថា គាត់មិនបានពាក់ម៉ាស ឬឈុតការពារខណៈពេលកំពុងព្យាបាលអ្នកជំងឺ ដែលត្រូវបានគេធ្វើរោគវិនិច្ឆ័យថាបានឆ្លងវីរុសនេះ៕
ប្រភព៖ Bangkok Post
ផ្ដល់សិទ្ធិដោយ khmernas