header ads

នាវា​ទេសចរណ៍​ទាំងអស់ ដែល​មកពី​ឬ​ធ្លាប់​ឆ្លងកាត់​ប្រទេស​ចិន នឹងមិន​ត្រូវបាន​អនុញ្ញាត​ឱ្យចូល​ប្រទេស​ម៉ាឡេស៊ី​ទៀត​ទេ​។ ការ​សម្រេច​ចិត្ត​នេះ​បាន​កើត​ឡើង​បន្ទាប់​ពី​អ្នក​ដំណើរ​ជន​ជាតិ​អាមេ​រិក​ម្នាក់​នៅ​លើ​នាវា MS Westerdam ដែល​បាន​ចូល​ចត​នៅក្នុង​ប្រទេស​កម្ពុជា បានធ្វើ​តេស្ត​វិជ្ជមាន​សម្រាប់​វីរុស​កូ​វិដ​-១៩ នៅ​អាកាស​យាន​ដ្ឋាន​អន្តរ​ជាតិ​គូ​ឡា​ឡាំ​ពួ កាលពី​ថ្ងៃ​សៅរ៍​។​

​លោកស្រី Wan Azizah ឧបនាយករដ្ឋមន្ត្រី​ម៉ាឡេស៊ី​បាន​និយាយថា​«​ចាប់ពីពេលនេះ រដ្ឋាភិបាល​បាន​សំរេចចិត្ត មិន​អនុញ្ញាតឱ្យ​កប៉ាល់​ណាមួយ ដែល​ចេញ​ឬ​ឆ្លងកាត់​កំពង់ផែ​ណាមួយ​នៅក្នុង​ប្រទេស​ចិន ចូលមកក្នុង​ប្រទេស​ម៉ាឡេស៊ី​ឡើយ​” ។​

​ក្រុមហ៊ុន MS Westerdam បាន​ចូល​ចត​នៅ​ប្រទេស​កម្ពុជា​កាលពី​ថ្ងៃ​ព្រហស្បតិ៍ ដោយ​ដឹក​អ្នកដំណើរ​ចំនួន ១,៤៥៥ នាក់​និង​សមាជិក​នាវិក ៨០២ នាក់ បន្ទាប់ពី​ត្រូវបាន​ហាមឃាត់​ដោយ​ប្រទេស​ជប៉ុន តៃវ៉ាន់ កោះ​ហ្គា​ម ហ្វីលីពីន និង​ថៃ​៕

ផ្ដល់សិទ្ធិដោយ៖ Khmernas
លោកអ្នកអាចបញ្ចេញមតិនៅទីនេះ!

Feature Ads

Previous Post Next Post