ក្រោយពីមានការចាប់ខ្លួនស្ត្រីម្នាក់ ដោយសារតែមិនព្រមស្តាប់តាមការណែនាំរបស់អាជ្ញាធរ ដោយឡាយលក់ផលិតផលជាមួយនឹងការបញ្ចេញអស់កេរខ្មាស ត្រូវបានតំណាងអង្គការសង្គមស៊ីវិល បានរួមគ្នាសរសេរលិខិតចំហរជូនដល់ប្រមុខរដ្ឋាភិបាល ឲ្យពិចារណាឡើងវិញ ចំពោះការដាក់ទណ្ឌកម្មទៅលើស្ត្រីដោយសារតែជម្រើសនៃការស្លៀកពាក់របស់ពួកគេ។
ចំពោះរឿងនេះ លោក សុខ សុវណ្ណ វឌ្ឍនាសាប៊ុង ហៅវិល្លាម បានចាត់ទុកបរទេស ថាដែលមិនយល់វប្បធម៌ សង្គមធម៌ ដែលជាខ្នែងនៃអរិយធម៌ខ្មែរ និងស្នើសូម ដោយឲ្យគោរពសិទ្ធិកម្ពុជាក្នុងការអនុវត្តន៍ច្បាប់ដេីម្បីការពារតម្លៃវប្បធម៌កម្ពុជាផង។
ជាមួយគ្នានេះដែរ លោកបានបន្ថែមថា បេីប្រទេសអ្នកឯងចូលចិត្តវប្បធម៌ស្រាត ក៏ចូលចិត្តចុះកុំមកបង្គាប់កម្ពុជាអី។
ដោយឡែកអ្នកតែស្ករ ដែលខ្លះមានសុទ្ធតែបណ្ឌិតផង មេត្តាកុំយករូបតាមជញ្ជាំងប្រាសាទបូរាណដែលអប្សរា ពុំមានស្លៀកពាក់មកប្រៀបធៀប ហេីយមេត្តាជ្រាបថា កាលសម័យបូរាណ ពុំមានរោងចក្រក្រណាត់ ពុំមានសាលាថ្ម បញ្ចាំងស្លាយ LED ទេ ទេីបសម័យនោះគ្មានការបិទបាំងត្រឹមត្រូវ គ្មានឧបករណ៍ទំនេីប ផលិតសម្លៀកបំពាក់ ដោយសារតែចង់ឲ្យមនុស្សវិវត្តន៍ទៅកាន់ការរស់នៅប្រកបដោយសីលធម៌ និងចេះបិទបាំងរាងកាយនេះហេីយ ទេីបមានការស្រាវជ្រាវអភិវឌ្ឍន៍ជាដំណាក់កាលរហូតមកដល់ពេលនេះ ។
ដោយឡែកភាពស៊ីវីល័យក៏ឋិតក្រោមច្បាប់ដែលបានកំណត់ស្របតាមសង្គមធម៌ វប្បធម៌ នៃប្រទេសនីមួយៗដែរ ។
តេីអស់លោកចង់ដេីរថយក្រោយទៅសម័យបុរេប្រវត្តិឬ? ប្រសិនជាអស់លោកចូលចិត្តវប្បធម៌បង្ហាញកេរភេទ សូមអស់លោក គាំទ្រដល់ភរិយា បងប្អូនស្រី របស់អស់លោកចុះ ។
