COVID-19៖ ការប្រកួតរបស់ក្រុមជម្រើសជាតិកម្ពុជា និងក្រុមជម្រើសជាតិអុីរ៉ង់ ក៏ដូចជាមួយក្រុមជម្រេីសជាតិបារ៉ែន ត្រូវបានលើកពេល!

យោងតាម សហព័ន្ធកីឡាបាល់ទាត់កម្ពុជា ដោយយោងតាមការជូនដំណឹងរបស់សហព័ន្ធបាល់ទាត់ទ្វីបអាស៉ី​ (AFC) ការប្រកួត​ FIFA World Cup Qatar 2022 - Preliminary Competitions ដែលគ្រោងនឹងប្រព្រឹត្តនៅប្រទេសបារ៉ែន​ រវាងក្រុមជម្រេីសជាតិកម្ពុជាជាមួយក្រុមជម្រេីសជាតិបារ៉ែន ថ្ងៃទី២៦​ ខែមីនា​ ឆ្នាំ២០២០​ និងនៅរាជធានីភ្នំពេញ រវាងក្រុមជម្រើសជាតិកម្ពុជា និងក្រុមជម្រើសជាតិអុីរ៉ង់ នៅថ្ងៃទី៣១ ខែមិនា ឆ្នាំ២០២០ ខាងមុខនេះ​ ត្រូវបានលេីកការប្រកួត​ ដោយសារមូលហេតុមានក្តីបារម្មណ៍ការរីករាលដាលនៃជំងឺរលាកផ្លូវដង្ហេីមថ្មី​ Covid-19 ។ 

សហព័ន្ធបាល់ទាត់ទ្វីបអាស៊ី (AFC)​ តាមរយៈសហព័ន្ធបាល់ទាត់កម្ពុជា​ (FFC) នឹងជូនដំណឹងពេលក្រោយនូវកាលបរិច្ឆេទថ្មីនៃការប្រកួត។