យោងតាម ABC NEWS បានឱ្យដឹងថា NBA បានពន្យារពេលរដូវកាលរបស់ខ្លួនដោយសារតែការផ្ទុះឡើងនៃមេរោគថ្មី COVID-19។ ការប្រកាសនេះត្រូវបានធ្វើឡើងបន្ទាប់ពីមានការផ្អាកការលេងពាក់កណ្តាលហ្គេមប្រកបដោយភាពច្របូកច្របល់រវាង ក្រុម Utah Jazz និង Oklahoma។ NBA បានប្រកាសថាកីឡាករបាល់បោះម្នាក់ត្រូវបានគេធ្វើតេស្ត៍រកឃើញវិជ្ជមាន COVID-19។
NBA បាននិយាយនៅក្នុងសេចក្តីថ្លែងការណ៍មួយថា "NBA បានប្រកាសថាកីឡាករម្នាក់នៅ Utah Jazz បានធ្វើតេស្ត៍វិជ្ជមានជាវិជ្ជមាន COVID-១៩ "។ របាយការណ៍ទាក់ទងបញ្ហានេះត្រូវបានទទួលបានមុនពេលហ្គេមការប្រកួតចាប់ផ្តើម។ ហើយការប្រកួតយប់នោះត្រូវបានលុបចោល។ កីឡាករដែលមាន COVID-19 មិនមានវត្តមាននៅតារាងប្រកួតនោះឡើយ” ។
សេចក្តីរាយការណ៍បានបន្ថែមទៀតថា NBA កំពុងផ្អាកការលេងហ្គេមបន្ទាប់ពីការបញ្ចប់នៃការប្រកួតយប់នេះ រហូតដល់មានការជូនដំណឹងបន្ថែមទៀត ហើយ NBA នឹងប្រើវិធីនេះដើម្បីកំណត់ជំហានបន្ទាប់សម្រាប់ការឈានទៅមុខ ទាក់ទងនឹងការឆ្លងរាតត្បាតនៃវីរុស COVID-19 នេះ។