header ads

Sponsor

ទីក្រុង​ហូជីមិញ​កំពុង​ស្វែងរក​ការយល់ព្រម​ពី​នាយករដ្ឋមន្ត្រី​វៀតណាម ដើម្បី​បិទ​ជា​បណ្តោះអាសន្ន​នូវ​ក្រុមហ៊ុន​ពូ​ជិន​ខ​ប ដែលជា​ក្រុមហ៊ុន​ផលិត​ស្បែកជើង​កីឡា​ធំជាងគេ​បំផុត​នៅលើ​ពិភព ដោយសារតែ​មានការ​ព្រួយបារម្ភ​អំពី​ការ​ផ្ទុះឡើង​នៃ​ជំងឺ​កូ​វីដ​១៩​។​

អាជ្ញាធរ​ក្រុង​ហូជីមិញ​ដែលជា​ទីក្រុង​មាន​អ្នក​ឆ្លង​ជំងឺ​កូ​វីដ​១៩​ច្រើនជាងគេ​នៅក្នុង​ប្រទេស​វៀតណាម​បន្ទាប់ពី​ទីក្រុង​ហាណូយ បានបង្ហាញ​ពី​ការព្រួយបារម្ភ​ចំពោះ​ក្រុមហ៊ុន​ផលិត​ស្បែកជើង​នេះ ដែល​កំពុងផ្តល់​ការងារ​ដល់ក​ម្មករ​ចំនួន​៧​ម៉ឺន​នាក់​ហើយ​ធ្វើ​ប្រតិបត្តិការ​៣​វេន​ក្នុង​មួយថ្ងៃ​។

​អភិបាលក្រុង​ហូជីមិញ​បាន​និយាយ​នៅក្នុង​លិខិត​មួយ​ចុះ​ថ្ងៃទី​១១​ខែមេសា​នេះ ដែល​ផ្ញើរ​ទៅកាន់​នាយករដ្ឋមន្ត្រី​វៀតណាម​ថា ការផ្ទុះ​ឡើង​នៃ​ជំងឺ​កូ​វីដ​១៩​នឹងមិន​ប៉ះពាល់​ត្រឹម​កម្មករ​ទេ ប៉ុន្តែ​វា​នឹង​ប៉ះពាល់​ក្រុមហ៊ុន​នៅ​ជិតខាង​មួយចំនួនទៀត និង​ខេត្ត​ជាប់​គ្នា​ចំនួន​៤​។

​អភិបាលក្រុង​លោក Nguyen Thanh Phong បាន​និយាយ​នៅក្នុង​លិខិត​នោះ​ថា ទីក្រុង​បានស្នើ​សុំ​ការផ្អាក​ដំណើរការ​ក្រុមហ៊ុន​រយៈពេល​៣​ថ្ងៃ​ចាប់​ពីថ្ងៃ​ច័ន្ទ​នេះ ស្របពេល​នឹង​ថ្ងៃ​ចុងក្រោយ​នៃ​បទ​បញ្ជាគ​ន្លាត​សង្គមជាតិ​រយៈពេល​១៥​ថ្ងៃ ដែល​ត្រូវបាន​ធ្វើឡើង​ចាប់ពី​ថ្ងៃទី​១​ខែមេសា​មក ដើម្បី​ធានា​សុវត្ថិភាព​ដល់ក​ម្មករ​នៅក្នុងពេល​កំពុងមាន​កា​រ​រាតត្បាត​រាតត្បាត​។​

​ក្រុមហ៊ុន​ពូ​ជិន​ខ​ប​បាន​និយាយថា ខ្លួន​គឺជា​ក្រុមហ៊ុន​ផលិត​ស្បែកជើង​កីឡា​និង​ស្បែកជើង​ធម្មតា​ម៉ាក​ល្បីៗ ដែល​ធំជាងគេ​បំផុត​នៅលើ​ពិភពលោក និង​ជា​ក្រុមហ៊ុន​ផលិត​សម្រាប់​ម៉ាក​អន្តរជាតិ​ដូចជា Nike Adidas និង​ម៉ាក​ល្បីៗ​មួយចំនួនទៀត​។ ក្រុមហ៊ុន​បាន​និយាយ​នៅលើ​គេហទំព័រ​ថា ខ្លួន​ផលិត​ស្បែកជើង​ជាង​៣០០​លាន​គូ​ក្នុង​មួយឆ្នាំ ដែល​ស្មើនឹង​ប្រមាណ​២០% នៃ​តម្លៃ​លក់ដុំ​រួម​នៃ​ទីផ្សារ​កីឡា​និង​ស្បែកជើង​ម៉ាក​យីហោ​ពិភពលោក​៕ ​ប្រភព​៖Bloomberg

ផ្ដល់សិទ្ធិដោយ៖ khmernas

Feature Ads

Previous Post Next Post
Sponsor