header ads

Sponsor

ក្រសួងសុខាភិបាលនៅថ្ងៃច័ន្ទទី៤ឧសភានេះ បានអំពាវនាវឱ្យពលរដ្ឋត្រូវបន្តប្រុងប្រយ័ត្នខ្ពស់បំផុត និង​ត្រូវ​អនុ​វត្ត​គ្រប់បែបយ៉ាងទាំងអស់តាមសេចក្ដីណែនាំនានារបស់រដ្ឋាភិបាល ដើម្បីកុំឱ្យមាន​ការឆ្លង​រាត​ត្បាត​នៅ​ក្នុង​សហគមន៍ ជាពិសេសត្រូវប្រុងប្រយ័ត្នខ្ពស់នៅពេលធ្វើដំណើរ ចៀសវាង​ពិ​ធី​ជួប​ជុំ​គ្នា​ច្រើន​កុះ​ករ  ឬកាត់បន្ថយការធ្វើដំណើរពីកន្លែងមួយទៅកន្លែងមួយ។

ការអំពាវនាវបែបនេះ ដោយក្រសួងបញ្ជាក់ថា ស្ថានភាពជំងឺកូវីដ១៩នៅលើសកលលោក មិន​ទាន់​ធូរ​ស្រាល​នៅ​ឡើយ ដោយសារប្រទេសមួយចំនួននៅទ្វីបអាមេរិក អឺរ៉ុប និងអាស៊ី នៅតែរកឃើញ​ករណី​ឆ្លង​ថ្មី​បន្ថែម​ទៀត ដែលបានធ្វើឱ្យអ្នកឆ្លងសរុបកើនដល់ជាង៣លាន២សែននាក់ ដោយក្នុងនោះស្លាប់​មាន​ជាង​២​សែន​២​ម៉ឺន​នាក់ ដែលគិតត្រឹមរយៈពេល២៤ម៉ោងមានអ្នកឆ្លងចំនួន៩១,៩៧៧នាក់ និងស្លាប់​៥,៧៩៩នា​ក់។

ក្រសួងសុខាភិបាលបញ្ជាក់ថា សម្រាប់កម្ពុជាក្នុងរយៈពេល៣សប្ដាហ៍មកនេះ មិនមានករណី​ឆ្លង​ថ្មី​នោះ​ទេ ហើយ​ក្នុង​ចំណោមអ្នកឆ្លងសរុបចំនួន១២២នាក់ គឺត្រូវបានព្យាបាលជាសះស្បើយចំនួន​១២០​នាក់ និ​ង​នៅសល់អ្នក​ជំងឺ​កូវីដដែលកំពុងសម្រាកព្យាបាលក្នុងមន្ទីរពេទ្យចំនួន២នាក់ទៀត។ លោក ម៉ម ប៊ុនហេង រដ្ឋមន្រ្តីក្រសួងសុខាភិបាលបានអំពាវនាវឱ្យពលរដ្ឋត្រូវលាង​ដៃជាមួយសាប៊ូ​ឱ្យបាន​ច្រើន​ដង​គឺ​ចាប់​ពី​២០​ដងឡើងទៅក្នុងមួយថ្ងៃ និងពិសេសត្រូវលាងដៃជាមួយសាប៊ូ អាល់កុល ឬ​ជែល បន្ទាប់​ពី​ប៉ះ​ពាល់​វត្ថុ​អ្វី​ដែល​សង្ស័យថាបានឆ្លងជំងឺ៕

ផ្ដល់សិទ្ធិដោយ៖ khmernas

Feature Ads

Previous Post Next Post
Sponsor