សេដ្ឋកិច្ច
អាម៉ាប៉ាប៉ាញ៉ូសភ្នំពេញ៖ ពលរដ្ឋរស់នៅក្នុងរាជធានីភ្នំពេញ បានលើកឡើងថា ការប្រើប្រាស់អគ្គិសនីនៅពេលបច្ចុប្បន្នអស់ច្រើនជាងមុន ព្រោះសមាជិកក្នុងគ្រួសារនៅផ្ទះច្រើនជាងចេញក្រៅ លើសពីនេះ ពួកគេក៏បានអំពាវនាវ ដល់អគ្គិសនីកម្ពុជា ជួយបញ្ចុះតម្លៃអគ្គិសនី ក្នុងអំឡុងពេលនៃវិបត្តិនេះ។
យ៉ាងណានៅឆ្នាំ២០២០នេះ ដើម្បីជួយសម្រួលដល់ជីវភាពរបស់ប្រជាពលរដ្ឋ រាជរដ្ឋាភិបាល បានកាត់ បន្ថយតម្លៃអគ្គិសនីជូនដល់ប្រជាពលរដ្ឋប្រើប្រាស់ ជាប្រភេទលំនៅឋាន រួមមាន៖ លំនៅឋាន ប្រើអស់ពី១–១០ គីឡូវ៉ាត់ម៉ោង ក្នុង១ខែ មានតម្លៃ៣៨០រៀល ក្នុង១គីឡូវ៉ាត់ម៉ោង ប្រើអស់ពី១១–៥០ គីឡូវ៉ាត់ម៉ោង ក្នុង១ខែ មានតម្លៃ៤៨០រៀល ក្នុង១គីឡូវ៉ាត់ម៉ោង ប្រើអស់ពី៥១–២០០គីឡូវ៉ាត់ម៉ោង ក្នុង១ខែ មានតម្លៃ ៦១០រៀល ក្នុង១គីឡូវ៉ាត់ម៉ោង និងលំនៅឋាន ប្រើអស់លើសពី២០០គីឡូវ៉ាត់ម៉ោង ក្នុង១ខែ មានតម្លៃ ៧៣០រៀល ក្នុង១គីឡូវ៉ាត់ម៉ោង។
ជាការកត់សំគាល់ អគ្គិសនី គឺជាគោលនយោបាយសំខាន់មួយ ក្នុងចំណោមគោលនយោបាយ អាទិភាពសំខាន់ៗចំនួន៤ របស់រាជរដ្ឋាភិបាល ក្រៅពីទឹក ផ្លូវ និងមនុស្ស៕