សង្គម
អាម៉ាប៉ាប៉ាញ៉ូសភ្នំពេញ ៖ កាលពីម្សិលមិញ លោក កុយ គួង អ្នកនាំពាក្យក្រសួងការបរទេសខ្មែរ បានលើកឡើងថា កម្ពុជាបានធ្វើកំណត់ទូតតវ៉ា ទៅកាន់ភាគីវៀតណាម ដោយស្នើឲ្យបញ្ឈប់ជាបន្ទាន់ នូវការរំលោ. ភបំពាន លើខ្សែបន្ទាត់ព្រំដែន ដែលមិនទាន់ឯកភាពគ្នា (តំបន់ស)ខណៈភាគីវៀតណាម បានបោះតង់ និងដាក់កម្លាំងកងទ័ពចំនួន ៣១កន្លែង ក្នុងនោះបាន រុះរើ តង់ ចេញវិញ ចំនួន៣កន្លែង នៅសស់ ២៨កន្លែងទៀតមិនទាន់ រុះរើចេញនៅឡើយទេ។
រហូតមកដល់ថ្ងៃទី១៨ ខែមិថុនា ឆ្នាំ២០២០នេះ ឯកឧត្តម គង់ សោភ័ណ្ឌ អភិបាលខេត្តកណ្តាល បានឱ្យសារព័ត៌មាន BTV News ដឹងថា មកទល់ពេលនេះភាគីវៀតណាម បានស្នើពន្យាពេលរុះរើតង់របស់ខ្លួន ដែលនៅទីតាំងសេសសល់ គឺត្រូវបានពន្យាពេលជាបណ្ដោះអាសន្ន ផ្អែកអំពីមូលហេតុថាបន្តទប់ស្កាត់ការឆ្លងរាតត្បាតជំងឺកូវីដ១៩ តាមរយះការចេញចូលនៃតំបន់នេះ។
ទន្ទឹមនឹងការពន្យាពេលរុះរើតង់ខាងលើនេះ ឯកឧត្តម គង់ សោភ័ណ្ឌ បានបញ្ជាក់ថា ស្របតាមការណែនាំរបស់ក្រសួងមហាផ្ទៃ និងក្រសួងការបរទេស បច្ចុប្បន្ននេះមាននគរបាល និងកងទ័ពដែលការពារនៅបន្ទាត់ព្រំដែនបានចុះល្បាតជាប្រចាំ ដើម្បីធានាចំពោះអធិបតេយ្យកម្ពុជា ឬការរំលោ. ភ បំពានផ្សេងៗជាដើម។