ភ្នំពេញ៖ នៅរសៀលថ្ងៃទី០៤ ខែមិថុនា ឆ្នាំ២០២០នេះ ឯកឧត្ដមនាយឧត្ដមសេនីយ៍ នេត សាវឿន អគ្គស្នងការនគរបាលជាតិ បានបញ្ជាទៅ ស្នងការដ្ឋាននគរបាលរាជធានី-ខេត្ត តាមស្រាវជ្រាវឃាត់រថយន្តទំនើប ម៉ាក Roll Roys និង រថយន្ត Mercedes Maybach ពាក់ស្លាកលេខ នប២- ៧៧១៥ ដេីម្បីយកមកចាត់ការតាមផ្លូវច្បាប់ ។
បទបញ្ជាធ្វើឡើងក្រោយពី រូបថតរថយន្ដទាំងពីរនេះ ត្រូវបានចែកចាយបន្តពេញបណ្ដាញសង្គមហ្វេសប៊ុក ថែមទាំងមានការរិះគន់ផងដែរ។
ឯកឧត្តមឧត្ដមសេនីយ៍ឯក ហេង ចាន់ធារី ប្រធាននាយកដ្ឋាននគរបាលចរាចរណ៍ និង សណ្ដាប់ធ្នាប់សាធារណៈ បានអោយដឹងថា ស្លាកលេខ នប២-៧៧១៥ នោះ គឺបំពាក់នៅរថយន្តម៉ាក ហ្វត ពណ៌ស តាំងពីឆ្នាំ ២០១៦ របស់ នាយកដ្ឋាននគរបាលទេសចរណ៍ ដូច្នេះរថយន្ត Rolls Roys និង រថយន្ដ Mercedes Maybach យកលេខនោះទៅបំពាក់គឺខុសច្បាប់ ។
