សេដ្ឋកិច្ច
អាម៉ាប៉ាប៉ាញ៉ូសភ្នំពេញ៖ បើតាមសេចក្តីជូនដំណឹងរបស់ រដ្ឋបាលរាជធានីភ្នំពេញ នាថ្ងៃទី៧ ខែកក្កដា នេះ រដ្ឋបាលរាជធានីភ្នំពេញ បានអនុញ្ញាឲ្យបើកដំណើរការឡើងវិញនូវក្លឹបកម្សាន្ត និងខារ៉ាអូខេ បន្ទាប់ពីបានបិទជាបណ្តោះអាសន្នដើម្បីទប់ស្កាត់ការរីករាលដាលនៃវីរុសកូវីដ១៩មក ដើម្បីចូលរួមសកម្មភាពសេដ្ឋកិច្ច និងផ្តល់ការងារ ប៉ុន្តែការបើកដំណើរការនេះប្រែក្លាយទៅជាភោជនីយដ្ឋានវិញ។
លោក ឃួង ស្រេង អភិបាលរាជធានីភ្នំពេញ បញ្ជាក់ថា ការបើកដំណើរការដោយប្រែក្លាយទៅជាភោជនីយដ្ឋាននេះ ម្ចាស់អាជីវកម្ម ត្រូវ៖
១ ស្នើសុំលិខិតអនុញ្ញាតអាជីវកម្ម តាមយន្តការច្រកចេញចូលតែមួយ រាជធានីភ្នំពេញ
២ គោរពឲ្យបានម៉ឺងម៉ាត់នូវវិធានការរបស់ក្រសួងសុខាភិបាល ក្នុងការទប់ស្កាត់ការរីករាលដាលនៃវីរុសកូវីដ១៩ និងវិធានការសុវត្ថិភាពរបស់ក្រសួងទេសចរណ៍ផងដែរ៕