header ads

សេដ្ឋកិច្ច

អាម៉ាប៉ាប៉ាញ៉ូស

ភ្នំពេញ៖ ក្រុមហ៊ុនចិនមួយ គ្រោងវិនិយោគលើវិស័យកសិកម្មកម្ពុជា ដោយចង់ប្រមូលទិញផ្លែឈើស្រស់ និងកែច្នៃនាំចេញទៅចិន។ រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ លោក វេង សាខុន និងលោក Wang Bingham អគ្គនាយកក្រុមហ៊ុនធៀន ធៀន បានពិភាក្សាពីគម្រោងវិនិយោគនេះ កាលពីថ្ងៃទី២៤ សីហា។

លោក Wang Bingham អគ្គនាយកក្រុមហ៊ុនធៀន ធៀន រំពឹងថា គម្រោងវិនិយោគលើវិស័យកសិកម្មនៅកម្ពុជា នឹងទទួលបានជោគជ័យ តាមរយៈការដាក់លក់ផលិតផលកសិកម្មកម្ពុជា នៅលើប្រព័ន្ធទីផ្សារពាណិជ្ជកម្មព័ត៌មានវិជ្ជាផ្ទាល់របស់ក្រុមហ៊ុន។ ការអះអាងរបស់លោក Wang Binghamនេះ ធ្វើឡើងបន្ទាប់ពីលោកបានទស្សនកិច្ចសិក្សាស្វែងយល់អំពីផលិតផល និងគុណភាពនៃផ្លែស្វាយ មៀន ខ្នុរ ធុរេន ដូងក្រអូប និងក្រូចថ្លុងរបស់កម្ពុជា។

ប៉ុន្តែដើម្បីឱ្យគម្រោនេះទទួលបានជោគជ័យ អគ្គនាយកក្រុមហ៊ុនរូបនេះ ក៏បានស្នើសុំយោបល់ និងអនុសាសន៍ពីលោករដ្ឋមន្រ្តីកសិកម្ម វេង សាខុន និងមន្ត្រីជំនាញពាក់ព័ន្ធនឹងទីផ្សារប្រមូលទិញ និងនីតិវិធីនៃការនាំចេញផលិតផលខាងលើទៅប្រទេសចិនផងដែរ។

ជាការឆ្លើយតប លោក វេង សាខុន បានណែនាំឲ្យក្រុមហ៊ុនចិននេះ សហការជាមួយស្ថានទូតចិនប្រចាំកម្ពុជា ,អគ្គនាយកដ្ឋានកសិកម្ម ,នាយកដ្ឋានសហប្រតិបត្តិកាអន្តរជាតិ និងនាយកដ្ឋានកសិឧស្សាហកម្ម សិក្សាស្វែងយល់បន្ថែមអំពីសក្តានុពុលនៃផលិតកម្មឈើហូបផ្លៃខាងលើ រួចរៀបចំចុះអនុស្សារណៈនៃការយោគយល់គ្នាជាមួយក្រសួង ដើម្បីក្រសួងមានលទ្ធភាពអាចជួយសម្របសម្រួល ក្នុងការធ្វើផលិតកម្មកសិកម្មតាមកិច្ចសន្យាជាមួយសហគមន៍ និងជាពិសេសនីតិវិធីនៃការនាំចេញ។

រដ្ឋមន្ត្រីកសិកម្ម ក៏ជឿជាក់ថា គម្រោងវិនិយោគនេះ ក៏ស្របតាមផែនការអភិវឌ្ឍវិស័យកសិកម្មរបស់ក្រសួងក្នុងការជំរុញផលិតកម្មកសិកម្មក្នុងស្រុកតាមរយៈការធ្វើទំនើបកម្មកសិកម្ម ការកែច្នៃ វេចខ្ចប់ និងនាំចេញ ដែលទាំងអស់នេះនឹងជួយជំរុញសេដ្ឋកិច្ចជាតិ៕

@Amapapa.News
លោកអ្នកអាចបញ្ចេញមតិនៅទីនេះ!

Feature Ads

Previous Post Next Post