បរទេស
អាម៉ាប៉ាប៉ាញ៉ូសក្រសួងសុខាភិបាលរបស់ប្រទេសវៀតណាមបាននិយាយនៅថ្ងៃសៅរ៍នេះថា មានមនុស្សរហូតដល់៨សែននាក់បានធ្វើដំណើរទៅកាន់ទីក្រុងដាណាំង ដែលជាតំបន់ផ្ទុះឡើងជាថ្មីនៃការឆ្លងវីរុសកូវីដ១៩ ហើយបានចាកចេញពីទីក្រុងនេះ ទៅកាន់តំបន់ផ្សេងៗទៀតរបស់ប្រទេសចាប់តាំងពីថ្ងៃទី១ខែកក្កដាមក។
ប្រទេសវៀតណាម កាលពីសប្តាហ៍មុន បានរកឃើញករណីឆ្លងក្នុងសហគមន៍លើកដំបូងនៅក្នុងទីក្រុងទេសចរណ៍ដាណាំងនេះ ក្រោយពីមានករណីឆ្លងបែបនេះអស់រយៈពេលជាង៣ខែ។
ចំនួនសរុបនៃការឆ្លងនៅក្នុងប្រទេសនេះបានកើនឡើងដល់៥៥៨ ហើយករណីថ្មីភាគច្រើនបានជាប់ពាក់ព័ន្ធទៅនឹងមន្ទីរពេទ្យចំនួន៣នៅទីក្រុងដាណាំង។
ក្រសួងសុខាភិបាលបាននិយាយនៅក្នុងសេចក្តីថ្លែងការណ៍មួយថា មនុស្សជាង ៤ម៉ឺន១ពាន់នាក់បានធ្វើដំណើរទៅមន្ទីរពេទ្យទាំង៣ក្នុងទីក្រុងដាណាំងចាប់តាំងពីថ្ងៃទី ១ ខែកក្កដា។
ប្រទេសនៅតំបន់អាស៊ីអាគ្នេយ៍មួយនេះបានរាយការណ៍អំពីការស្លាប់ដំបូងដោយសារជំងឺកូវីដ កាលពីថ្ងៃសុក្រហើយចំនួនអ្នកស្លាប់បានកើនឡើងដល់៣នាក់នៅថ្ងៃសៅរ៍នេះ៕
