header ads

ភ្នំពេញ៖ បុរសជនជាតិចិនដែលជាជនរងគ្រោះម្នាក់បានទៅរកសេវាកម្មផ្លូវភេទ នៅចំណុចវត្តភ្នំ រហូតពួកគេនិយាយត្រូវគ្នាក៏ជិះម៉ូតូកង់បីទៅដេកផ្ទះសំណាក់មួយកន្លែង នៅតាមបណ្ដោយផ្លូវលេខ ៣១០​ កាលវេលាម៉ោង១០យប់ថ្ងៃទី ២៨ខែកញ្ញា ឆ្នាំ ២០២០ត្រង់ចំណុចវត្តភ្នំ ក្នុងសង្កាត់វត្តភ្នំ ខណ្ឌដូនពេញ រាជធានីភ្នំពេញ។

ដោយសារបុរសដែលជាជនរងគ្រោះ គ្មានខ្សែឆ្នាំងសាក សម្រាប់បញ្ចូលទូរស័ព្ទ(មិនបញ្ជាក់ម៉ាក) ក៏ពួកគេជិះម៉ូតូកង់បី ត្រឡប់មកចំណុចវត្តភ្នំវិញ ដើម្បីរកទិញខ្សែឆ្នាំងសាក ខណៈពេលកំពុងចូលទិញបុរសជនរងគ្រោះ ក៏បានផ្ញើទូរស័ព្ទ​ជាមួយនារីជាជនសង្ស័យ ពេលនោះនារីខាងលើក៏ឃើញឱកាសល្អ ក៏យកទូរស័ព្ទនេះឲ្យបក្សពួករត់គេចខ្លួនបាត់ស្រមោល។

លុះនារីជនសង្ស័យបានរត់គេចខ្លួនទៅដល់ចំណុចដើមពោធិ៍ផ្លូវព្រះស៊ីសុវត្ថិ ក៏ត្រូវបានកម្លាំងសមត្ថកិច្ចប៉ុស្តិ៍ស្រះចកឃាត់ខ្លួនបានតែម្ដងទៅ។

នារីជនសង្ស័យមានឈ្មោះ ប៉ែន ស្រីពៅ អាយុ ៣៨ ឆ្នាំ មុខរបរបម្រើសេវាកម្មផ្លូវភេទ។

កម្លាំងសមត្ថកិច្ចប៉ុស្តិ៍ស្រះចក បានបញ្ជូននារីដែលជាជនសង្ស័យ ទៅប៉ុស្តិ៍នគរបាលរដ្ឋបាលវត្តភ្នំ ដើម្បីធ្វើការសាកសួរ តាមរកបក្សពួកនិងចាត់ការតាមនីតិវិធីច្បាប់៕

លោកអ្នកអាចបញ្ចេញមតិនៅទីនេះ!

Feature Ads

Previous Post Next Post