header ads

Sponsor

សង្គម

អាម៉ាប៉ាប៉ាញ៉ូស

វៀតណាម៖ ប្រជា​នេសាទ​ខ្មែរ​ចំនួន​​​​​​​​​​​​​​​​ ២៥​នាក់ ត្រូវ​បាន​សមត្ថកិច្ច​វៀតណាម​ឃាត់ខ្លួន​ ពី​បទ​ចូល​នេសាទ​ខុសច្បាប់​ក្នុង​ទឹកដី​វៀតណាម នៅ​តំបន់​កោះត្រល់ ​ដែលវៀតណាម​ ហៅ​ កោះ​ភូ​គុក​( Phú Quốc ) ​​​​​​​​​​​​​​​​​និង​កោះ​ថាស យ៉ាងណាក៏ត្រូវបាន ​ដោះ​លែង​ឲ្យ​មក​ទឹកដី​កម្ពុជា​វិញ​ផងដែរ ក្រោយពីមានការជួយសម្របសម្រួលពីអាជ្ញាធរខេត្តកែប។

​​​​​​​​​​​​​​​​បើតាមប្រភពបានឲ្យដឹងថា ក្រុម​ប្រជា​នេសាទ​ទាំង​២៥​នាក់​នោះ ត្រូវ​បាន​សមត្ថកិច្ច​វៀតណាម​ដោះ​លែង​កាលពី​យប់​ថ្ងៃ​ទី​២៨ តុ​​​​​​​​​​​​​​​​លា និង​បាន​មក​ដល់​ទឹកដី​កំណើត​ខ្លួន​វិញ​កាលពី​ព្រឹក​ថ្ងៃ​ទី​២៩ តុលា ២០២០ គឺ​ធ្វើ​ឡើង​ក្រោយ​ពី​មានការ​ជជែក​សម្រប សម្រួល​គ្នា​រវាង​អាជ្ញាធរ​ខេត្ត​កែប នាយកដ្ឋាន​ការពារ​ព្រំ​ដែនទឹក​កម្ពុជា និង​ភាគី​វៀតណាម នៅ​ចំណុច​កោះត្រល់ ។​​​​​​​​​​​​​​​​​ ​

​​​​​​​​​​​​​​​​ជាមួយគ្នានេះផងដែរ អភិបាល​នៃ​គណៈ​អភិបាលខេត្ត​កែប លោក សោម ពិសិដ្ឋ បាន​អញ្ជើញ​ទៅ​សួរសុខទុក្ខ​ ប្រជា​នេសាទ​ទាំង ២៥​នាក់ ដែល​ប្រើ​ទូក​នេសាទ​៥​គ្រឿង​នោះ ហើយ​ក៏​បាន​ណែនាំ​ឱ្យ​ក្រុម​ប្រជា​នេសាទ​ទាំង​២៥​នាក់ យល់អំពី​ការ​កំណត់ព្រំដែន ហើយ​ឈប់​ចូល​ទៅ​នេសាទ​នៅ​ទឹកដី​គេ​ទៀត៕​​​​​​​​​​​​​​​​

@Amapapa.News

ហាមដាច់ខាតការយកអត្ថបទទៅចុះផ្សាយឡើងវិញ ឬអានធ្វើជាវីដេអូដោយគ្មានការអនុញ្ញាត!

លោកអ្នកអាចបញ្ចេញមតិនៅទីនេះ!

Feature Ads

Previous Post Next Post