header ads

Sponsor

សង្គម

អាម៉ាប៉ាប៉ាញ៉ូស

ភ្នំពេញ៖​ ជនសង្ស័យប្រុសស្រីមួយក្រុមជាងដប់នាក់ ប្រដាប់ដោយដំបង និងដុំថ្មបានស្ទាក់ប្លន់បុរសជនជាតិឥណ្ឌាម្នាក់​ ខណៈដែលគាត់កំពុងរុញរទេះដើរលក់នំរ៉ូទី យកលុយអស់រលីង និងពងទាជិត១០០គ្រាប់ រួចរត់គេចខ្លួនបាត់ស្រមោល កាលវេលាម៉ោង៨និង៣០នាទីយប់​ ថ្ងៃទី៦​ ខែ​វិច្ឆិកា​ ឆ្នាំ២០២០​ ស្ថិតនៅតាមបណ្ឌោយផ្លូវលេខ២១៧​ ត្រង់ចំណុចមុខវត្តស្ទឹងមានជ័យក្នុងសង្កាត់ស្ទឹងមានជ័យ១​ ខណ្ឌមានជ័យ​ ។

បើ​យោងតាមប្រភពពីជនរងគ្រោះបានប្រាប់ឲ្យដឹងថា​ មុនពេលកើតហេតុ​ រូបគាត់បានរុញរទេះដើរលក់នំរ៉ូទីតាមបណ្ដោយផ្លូវលេខ២១៧ ពីកើត ទៅលិចក្នុងគោលបំណងទៅផ្ទះជួលនៅម្ដុំលូប្រាំ​ លុះមកដល់ចំណុចកើតហេតុខាងលើ​ ស្រាប់តែលេចមុខជនសង្ស័យប្រុសស្រីជាងដប់នាក់ប្រដាប់ដោយដំបង និងដុំថ្មបានធ្វើសកម្មភាពវា.យមកលើរូបគាត់ រួចប្លន់យកលុយអស់៣៨ម៉ឺនរៀល ពងទាជិត១០០គ្រាប់ និងសម្ភារមួយចំនួនទៀត​។

ក្រោយធ្វើសម្មភាពវា.យប្លន់បានហើយពួកជនទាំងនោះបានរត់គេចខ្លួនដោយសុវត្ថិភាពមិនរំខានដល់សមត្ថកិច្ចឡើយ ឯជនរងគ្រោបានទៅដាក់ពាក្យបណ្ដឹងនៅប៉ុស្តិ៍រដ្ឋបាលស្ទឹងមាន១ដែរ​ តែដោយសារបុរសជនជាតិឥណ្ឌានេះចេះភាសាខ្មែរតិចតួច ទេីប​សមត្ថកិច្ចបានប្រាប់ថាចាំព្រឹកឡើងចាំមកដាក់ពាក្យបណ្ដឹង​ ៕​

@Amapapa.News

ហាមដាច់ខាតការយកអត្ថបទទៅចុះផ្សាយឡើងវិញ ឬអានធ្វើជាវីដេអូដោយគ្មានការអនុញ្ញាត!

លោកអ្នកអាចបញ្ចេញមតិនៅទីនេះ!

Feature Ads

Previous Post Next Post