តាមរយៈគណនីហ្វេសប៊ុក ឈ្មោះ សាយ ស៊ាំ អាចជាមេធាវី បានបង្ហោះនៅលើគណនីរបស់ខ្លួនថា បទល្មើសវាយសម្លាប់នៅនឹងកន្លែងមានវីដេអូ ជាភស្តុតាងហើយនៅពិបាកប៉ុនហ្នឹង ចុះបើស្លាប់ហើយគ្មានវីដេអូជាភស្តុតាង តើជនរងគ្រោះទៅជាយ៉ាងណា ? ពេលនេះក៏ដូចជាពេលមុន អ្វីដែលខ្ញុំចង់បានគឺការកាត់ទោសមួយមានភាពយុត្តិធ៌ម គឺសម្រាប់ជាប្រយោជន៍ឲ្យជនរងគ្រោះផង និងជាប្រយោជន៍ឲ្យយុវជននៃយើងបានឃើញជាគំរូ មិនត្រូវយកការវាយសម្លាប់គ្នាមកដោះស្រាយបញ្ហាឡើយ។
គណនីដដែលបានបន្ថែមទៀតថា ខ្ញុំនៅតែសង្ឃឹមថានឹងមានយុត្តិធ៌ម ព្រោះតែមានសន្តិភាព ។
ជាមួយគ្នានេះដែរគ្នាគណនីដដែលបានចែករំលែក ករណីដែល តុលាការសម្រេចដោះលែងយុវសិស្សដែលវាយគូទំនាស់ស្លាប់ នៅខណ្ឌបឹងកេងកង រួចលើកឡើងថា៖
«មើលចុះហេតុអ្វីបានជាចៅក្រមសាលាដំបូងរាជធានីភ្នំពេញម្នាក់នេះមានមនោសញ្ចេតនាជ្រាលជ្រៅខ្លាំងម៉្លេះជាមួយឧក្រិដ្ឋជន ដោយហ៊ានលែងឧក្រិដ្ឋជនទាំងខុសនិតិវិធី គឺមិនបានផ្តល់ដំណឹងសូម្បីតែបន្តិចមកមេធាវី ឬ ឪពុកម្តាយខាងដើមចោទសោះអញ្ចឹង ? ? ?»
រូបលោក សាយ ស៊ាំ នៅខាងឆ្វេងសូមជ្រាបជូនថា៖ នៅព្រឹកថ្ងៃទី១៦ ខែធ្នូ ឆ្នាំ២០២០នេះចៅក្រមសាលាដំបូងរាជធានីភ្នំពេញ លោក ហម ម៉េងសែ តាមរយៈសវនាការមុនអង្គសេចក្ដី បានសម្រេចដោះលែងបន្ទាន់យុវសិស្សឈ្មោះ នី លីស៊ាង អាយុ១៥ឆ្នាំ ជាសិស្សសាលាAIS ឲ្យនៅក្រៅឃុំ ដែលជាប់ចោទពីបទឃាតកម្ម ពាក់ព័ន្ធការវាយគូទំនាស់មួយដៃស្លាប់។
ការសម្រេចដោះលែងនេះ តុលាការបានភ្ជាប់ជាមួយលក្ខខ័ណ្ឌ៣ចំណុច ទី១ឪពុកម្ដាយជនជាប់ចោទ ត្រូវនាំកូនមកបង្ហាញតុលាការពេលមានដីកាកោះ, ទី២ មិនត្រូវដូរលំនៅឋាន, ទី៣ ត្រូវដាក់ប្រាក់តម្កល់ចំនួន២០លានរៀល។ សេចក្ដីសម្រេចនេះ ធ្វើឡើងបន្ទាប់ពីតុលាការ បានឃុំខ្លួនជនជាប់ចោទ នី លីស៊ាង អស់រយៈពេល១១ខែ និង២៥ថ្ងៃ ដោយសារការអូសបន្លាយនីតិវិធីតាមរយៈការប្ដឹងដិតចិត្តចៅក្រមស៊ើបសួរដល់ទៅ៣រូប ពីសំណាក់ក្រុមគ្រួសារជនរងគ្រោះ ។