លោក ឧកញ៉ា បណ្ឌិត ម៉ុង ឬទ្ធី មហាសេដ្ឋីកសិកម្មដ៏ល្បីល្បាញនៅកម្ពុជា បានលើកឡើងនៅលើបណ្តាញសង្គមហ្វេសប៊ុកជាផ្លូវការរបស់លោកនៅល្ងាច ថ្ងៃទី២៧ ខែកុម្ភៈនេះថា ឧកញ៉ាបានប្រមូលផលផ្លែស្វាយកែវរមៀតយកទៅឲ្យសត្វសុីវិញម្តង ដែលកាលពីឆ្នាំមុនៗ នៅរដូវពេលនេះ លោកកំពុងតែប្រមូលផលស្វាយនាំចេញទៅកាន់ទីផ្សារនៅក្នុងសហគមន៍អឺរ៉ុប ប៉ុន្តែឆ្នាំនេះ ដោយសារតែវិបត្តិកូវិដ-១៩ បានធ្វើឲ្យតម្លៃស្វាយធ្លាក់ចុះខ្លាំង រហូតដល់ពេលនេះគ្មានអ្នកទិញតែម្តង ។
ឧកញ៉ា បណ្ឌិត បានបញ្ជាក់ទៀតថា ចម្ការស្វាយរបស់លោកនៅក្នុងតំបន់រមណីយដ្ឋានអភិវឌ្ឍន៍កសិទេសចរណ៍ម៉ុង ឫទ្ធីសែនជ័យមានចំនួន៥ម៉ឺនដេីម អាចប្រមូលផលបានប្រមាណ ៣០០តោន ជារៀងរាល់ឆ្នាំ សម្រាប់ពេលនេះសត្វរបស់លោកមិនអាចសុីអស់ទេ ពីព្រោះ ចំនួននេះ វាច្រើនខ្លាំងណាស់ ៕
