នេះបើតាមលោក ជា ពិសី អភិបាលខណ្ឌឫស្សីកែវ ថ្លែងនៅថ្ងៃទី៤ ខែមីនា ឆ្នាំ២០២១ នេះ តាមបណ្តាញសង្គម ថា កុមារីអាយុ១២ឆ្នាំម្នាក់នេះ ត្រូវជាកូនរបស់ស្ត្រីអាយុ៣៦ឆ្នាំ និង បុរស អាយុ៣៩ឆ្នាំ ដែលមានវិជ្ជមាននឹងមេរោគកូវីដ-១៩ ។
នៅថ្ងៃទី៣ ខែមីនា ឆ្នាំ២០២១ វេលាម៉ោង៩ ក្រុមគ្រូពេទ្យ បានប្រមូលយកសំណាកទៅធ្វើតេស្ដជាលើកទី២ មានចំនួន១២នាក់ ប្រុស៥នាក់ និង ស្រី៧នាក់ ជាលទ្ធផលរកឃើញមាន អ្នកវិជ្ជមាននឹងមេរោគកូវីដ-១៩ម្នាក់ ដែលជាកុមារីខាងលើ ។
បច្ចុប្បន្នកុមារីនេះ ត្រូវបានក្រុមគ្រូពេទ្យយកទៅព្យាបាល នៅមណ្ឌលចត្តាឡីស័ករាជធានីភ្នំពេញព្រែកព្នៅ ។
បច្ចុប្បន្នកុមារីនេះ ត្រូវបានក្រុមគ្រូពេទ្យយកទៅព្យាបាល នៅមណ្ឌលចត្តាឡីស័ករាជធានីភ្នំពេញព្រែកព្នៅ ។
នៅថ្ងៃទី៤ ខែមីនា ឆ្នាំ២០២១ នេះ ក្រសួងសុខាភិបាលប្រកាសរកឃើញមានអ្នកឆ្លងជំងឺកូវីដ-១៩ ថ្មី ចំនួន២៨នាក់បន្ថែមទៀត ពាក់ព័ន្ធព្រឹត្តិការណ៍សហគមន៍២០កុម្ភៈ ខណៈ ៣នាក់ផ្សេងទៀត ជាអ្នកដំណើរចូលមកកម្ពុជា ៕