![](https://blogger.googleusercontent.com/img/b/R29vZ2xl/AVvXsEgTA_40LLXcteUGyxf8w_cf2-QiiK6Uo_aDeTJzoYYjM91OlJQtQKb8uaVvFtKC0ZWle2C9yS_Pv5-8-ShuZFBR02OaVW75B5mwScLY_oy9ZBVOLJZfG_D33HOMtsee2S-9duqSyVO5NAb6C7ratOFa2W7SdBIttpuGnI10vtK5uN8jv8lC_0tOPwly/s1600/Thumbnail.jpg)
សិល្បៈ
ក្នុងថ្ងៃគុណឪពុកឆ្នាំនេះ អ្នកឧកញ៉ា ឡេងណាវ៉ាត្រា បានទម្លាយរៀបរាប់អំពីគុណូបការៈរបស់លោកឪពុក តស៊ូប្រឹងប្រែងចំពោះកូនៗ រហូតដល់កូនៗមានអនាគតខ្ពង់ខ្ពស់ដូចសព្វថ្ងៃ ។អ្នកឧកញ៉ា បានឱ្យដឹងថា៖
ទោះបីលោកពុកមិនបានរៀនសូត្រមិនចេះអក្សរ ប៉ុន្តែលោកពុកមានមហិច្ឆតាខ្ពស់ណាស់ លោកបានប្រឹងប្រែងយកកម្លាំងបាយ ដើររែកដីដោះស្រាយជីវភាព។ ហើយគាត់ហ៊ានណាស់ដាច់ចិត្តប្រថុយលក់ដីស្រែអស់ ប្រឹងបណ្ដុះបងប្រុសម្នាក់ ឲ្យបានរៀនសូត្រ ដែលជាក្ដីសង្ឃឹម និងសរសទ្រូងដល់ប្អូនៗ ដោយសារឃើញការលំបាករបស់ឪពុកខ្លាំងពេក កាលនោះ បងប្រុសខ្ញុំសុំម៉ែ ឈប់រៀននៅធ្វើការនៅភ្នំពេញ ទាំងដែរអាយុមិនទាន់គ្រប់18 ឆ្នាំផង ពេលបងប្រុសមកធ្វើការភ្នំពេញរកកោះត្រើយមិនឃើញទេ គឺមិនសូវបានដូចបំណងលោកពុកគិត តែយ៉ាងណាលោកពុកនៅតែមានជំនឿចិត្តលើកូនប្រុសគាត់ជានិច្ច។
ខ្ញុំធ្លាប់លឺបងប្រុសនិយាយពេលគាត់បរាជ័យត្រលប់មកពីភ្នំពេញប្រាប់ម៉ែថា (ម៉ែបើសិនជាគាត់ស្លាប់ គ្រួសារយើងមានហូបចុកគ្រប់គ្រាន់ គាត់នឹងស្លាប់ភ្លាម)។ ម៉ែងាកមើលមកបងប្រុសហើយស្ដីអោយថាកុំនិយាយអោយពុកលឺមិនបានទេប្រយ័ត្នពុកខឹង តែទឹកភ្នែកម៉ែវិញពេលនោះហូរ ព្រោះសំដីបងចាក់ដោតបេះដូងគាត់ពេក តាមពិតលោកពុកដឹងរឿងទាំងអស់តែលោកនៅតែមិនហូទឹកភ្នែក គាត់មិនអោយកូនបាក់ទឹកចិត្ត.
រហូតអស់ជំរើសតស៊ូនៅភ្នំពេញបងប្រុសលឺថាទៅកូរ៉េប្រាក់ខែច្រើនក៏ប្រាប់លោកពុក លោកពុកចាប់ផ្ដើមមានក្ដីសង្ឃឹមខ្លាំងជឿជាក់លើកូនគាត់អាចធ្វើបាន បងប្រុសដើដាក់ពាក្យ តាំងពីសម័យក្រុមហ៊ុននៅជិតប៉ុស្តិ៍លេខ3អត់ជាប់ ក្រោយទៀតក្រុមហ៊ុនរើសខាងកសិកម្មនៅក្បែរស្ប៉ាក គឺទៅមួយខ្ញុំក៏មិនជាប់ទៀត កាលនោះខ្ញុំក៏មិនទាន់គ្រប់អាយុទេហើយខ្ញុំធ្វើអត្តញ្ញានប័ណ្ឌដំឡើងអាយុ 2ឆ្នាំបង្គ្រប់រហូតដលសព្វថ្ងៃ បន្ទាប់មកទៀតដាក់ពាក្យនៅក្រុមហ៊ុនជិតវិមានឯករាជ្យ បានជាប់ហើយតែគ្មានលទ្ធភាព បង់ថវិការ3500$ ក៏មិនបានទៅទៀត។
ក្រោយមកទៀតទើប ក្រសួងការងារចាប់ផ្ដើមជ្រើសរើស និងឱ្យសិក្សានៅសាលាកប់ស្រូវ ខ្ញុំមិនហ៊ានដាក់ពាក្យព្រោះគ្មានលទ្ធភាពក្នុងការ បង់ថ្លៃសាលាគឺលោកពុកសម្រេចឲ្យបងប្រុសរៀនតែម្នាក់ទេ ដើម្បីបានទៅ ចាំយោងគ្នាតាមក្រោយទុកឲ្យខ្ញុំនិងប្អូនប្រុសនិមល់នៅធ្វើការ ដើម្បីផ្គត់ផ្គង់ ដោះស្រាយគាត់រៀនសិន បងប្រុសប្រឹងរៀនណាស់ប្រឡងជាប់ហើយនៅរង់ចាំ 2 ឆ្នាំទើបធ្លាក់ឈ្មោះមកក្នុងឆ្នាំ 2008 ពុកដើចងកាគេផងខ្ចីពព្រោះពេលនោះអស់ស្រែលក់ហើយ ដោះស្រាយយ៉ាងណាបានទៅកូរ៉េសិន។ និយាយទៅបងប្រុសតស៊ូតាំងពីឆ្នាំ1997ដល់ឆ្នាំ2008ជាការុញច្រាន់របស់លោកពុកទើបបានទៅកូរ៉េ។
គិតទៅតស៊ូ រយ:ពេល11ឆ្នាំទើបបានទៅកូរ៉េ បើទៅកូរ៉េបងប្រុសប្រហែសតែបន្តិច អ្វីគ្រប់យ៉ាងនឹងរលាយអស់។ (លោកពុករឹងមាំណាស់មានរឿងអីក៏ដោយមិនងាយហូទឹកភ្នែកទេ)តែបែជាហូទឹកភ្នែកនៅពេលកូនថ្វាយបង្គុំ។
ខ្ញុំរស់នៅក្នុងភូមិត្រពាំងសាលា ឃុំឈើកាច់ ស្រុកបាភ្នំខេត្តព្រៃវែង ជារឿងពិតមិនមែនជារឿងនិទានអ្វីទេ ក្នុងភូមិអ្នកណាក៏ដឹងដែរ ថាឪពុកចិត្តធំ សុខចិត្តទៅរែកដីលក់ស្រែដើម្បីឲ្យកូនទៅរៀន។ នៅក្នុងភូមិខ្ញុំ កាលនោះអ្នកដែលរែកដី ជាអចិន្ត្រៃយ៍មានតែពីអ្នកទេ គឺឪពុកខ្ញុំ និងពូទុន តែពូទុនគាត់បានស្លា.ប់ហើយ។
![](https://blogger.googleusercontent.com/img/b/R29vZ2xl/AVvXsEgP1Bo-Cc5c5yKm08FniSBCWM9M3RtLZZVkHPA_I3yhW_6F4ZQc_8FAFc-JB17iojfw2dXmWH6WxJ7U6FuAESC0MwKDD3SKkDZWfXcmphgEMM1N4ww05minl6K4OlnNYf1XMNosNQDqdUnZ-aXidnguBP-IW4sXUHEx4TIguBWV11s2wUi_fpNVdepL/s1600/278138067_532276808480536_2874719476181541222_n.jpg)
![](https://blogger.googleusercontent.com/img/b/R29vZ2xl/AVvXsEghsLXe6oKsO9Gq-Yoy_0vQeik41Yxh5dQy1ykyqeRtATVI5dNISMYQu3DaheFPexeIee63V_T9Xhy5QWt_FprHitVOUeTyq8-kHrqBOwwf7mOExrN8D2dZqAZ8cRpWOcUVSWU7-9cG6Q0ury3WPH7YctpOF-QRFXrpiANSTrMbvbfEBdSJEgN0eVGY/s1600/279829454_548933583481525_7541077016931780453_n.jpg)
![](https://blogger.googleusercontent.com/img/b/R29vZ2xl/AVvXsEhfbwBa37HmdjkSUu6spw_sWngwy254ikK_r7DGyLs6RTzlOyQxA5MRPdeGAVpAa5RvXyJhefyq1ggZcNLzNi76WWHjvLuCawLf5BV4SG77Az2o0LnwjtCVz-PIcorNp2_mRVmzpRZibgKbzDF5AX40T3wB22abd0kSthjbGkkopNX0WDHH4xod_jL0/s1600/279853420_548933300148220_900138857451185668_n.jpg)
![](https://blogger.googleusercontent.com/img/b/R29vZ2xl/AVvXsEjElJxtBwFB6u9RqeJaKk1pCURVtK1VjAgekHHL4bQjNwVo52MyFyZnvNPPMMcxVVXEsm57EVmHezG3YIfDThqeEawY0Q77ec3ZQvRiwXG3N4vZbRMbnPEs2oXIKv6rZbTOtJMKPnNPuLTFaiIikfX7je51IZX9778RlY6S0CQwg1ST1eHQu5iy_n2s/s1600/279857739_548933683481515_546084400516543431_n.jpg)
![](https://blogger.googleusercontent.com/img/b/R29vZ2xl/AVvXsEhK_6HtGA3sqj4mTMnRDq18KWkU9Kmf6nQtoeW3AdGNxq7K8h3Z3vpmr_8GGuaV1rI0mRAszjJ7XR5pRtPGxijqCmfnGMyvJi6ptDzaAb-T6XcmUXcWzAEhEEHmqkjrzMmUQeEnKQx1xt7cU1pi0a9guqJCFSkWYdgIyHQUv5LemFbgcynyJIP_rD2H/s1600/279892561_548933210148229_4140788188351265197_n.jpg)
![](https://blogger.googleusercontent.com/img/b/R29vZ2xl/AVvXsEga667cmerRi7tdaWdAGsVUMBuRzH3Jk6Z46Pp8wM_kp0iCy3lL5pva--PtRfDKzWompFFm7XFMKIAKoiexKZawBY_81XzmoTTzbHN2Tc8xX42ITDnaH9URelrn0SPRg1_dchTkJ7HInCM7jB2YbM3KBRYeN-cuAKcGB7TXy0oUmG993VE_5notWUPP/s1600/279892798_548933246814892_1384376304291401126_n.jpg)
![](https://blogger.googleusercontent.com/img/b/R29vZ2xl/AVvXsEhFFMKjQ0Nja6BpHlnaGzMp6pg-bQNRtEHRG9LBzpRy6JzwAYkCaviqBQ3NP1h5PJLpxbFdCHHWCzHuO1jCc8TFtWdTvG3iY14wQXTe_Bqibdeue8e4F_B3m349SsvqLY12dSjC_1gYeJXV1kgYkFv3rsYMIA_OfVkxlDtJLgc0qLzfyMOox9aNtMsk/s1600/279907298_552584053116478_1065539243970781401_n.jpg)
![](https://blogger.googleusercontent.com/img/b/R29vZ2xl/AVvXsEh9-Z18LVjKcYYjP3ECkdNEKqY9-j42AhbUZinRyYv7a18gHSz5e5fBt6a1F7bGBLsIlUE04eht9hWrhfbcl5otVFzkSvjcHUIXJ9oZMXWZBqRyY-7nBI0j3wLo5S4SqaXjsC_9Le8rgaGE24DxH-HZZUwqIeNS4wyjpwti4nHY6u3Vq3jd56nhgQVk/s1600/280556032_553647039676846_8493425569330417267_n.jpg)