ក្រោយពីលោក ហ៊ុយ យ៉ាឡេង ដែលជាម្ចាស់ផលិតកម្មកថាជ័យ ក៏ជាតួសម្ដែងផងនោះ បានប្រកាសលក់ផ្ទះ និងឡាន ដើម្បីយកប្រាក់ទៅសងថ្លៃបំណុល ដែលខ្ចីគេមកផលិតកុន ហើយខាតដើមនេះ ធ្វើឱ្យលោកផែង វណ្ណៈ បានបញ្ចេញទស្សនៈខ្លះៗទៅលើរូបលោក។
តាមរយៈគណនីហ្វេសបុករបស់លោកផែង វណ្ណៈ បានរៀបរាប់ឱ្យដឹងនៅយប់ថ្ងៃទី ២០ ខែកក្កដា ឆ្នាំ២០២២ថា៖
«ជំងឺតួឯកនិយម នាំមកនូវការបរាជ័យ យកល្អ លោកឈប់ដេីរតួខ្លួនឯងទៅក្រែងអាចកែប្រែស្ថានការណ៏បានខ្លះ ។ បេីដឹកនាំសំដែងក៏ខ្លួនឯង តួសំដែងក៏ខ្លួនឯង ដឹងតែ បរាជ័យហើយ ។»
លោក ហ៊ុយយ៉ាឡេង ក៏បានបញ្ជាក់ឱ្យដឹងផងដែរថា បើលក់ផ្ទះសង់បំណុលហើយ នៅសល់លុយខ្លះទៀត លោក យ៉ាឡេង នឹងប្រើប្រាស់លុយទាំងនោះ ទៅបន្តផលិតភាពយន្តថែមទៀត តាមក្តីស្រម៉ៃចង់ឱ្យវិស័យភាពយន្តខ្មែររីកចម្រើន៕