សិល្បៈ
នៅមួយរយៈចុងក្រោយនេះ នៅលើបណ្ដាញសង្គមកំពុងតែមានការចាប់អារម្មណ៍ទៅលើរឿងកម្ចីប្រាក់តាមអនឡាន ដែលបុគ្គលល្បីៗជាច្រើន ត្រូវបានគេលើកឡើងថា ឱ្យចូលខ្លួនមកដោះស្រាយបំណុល ហើយអ្នកខ្លះទៀតត្រូវបានគេថាជាអ្នកធានាជំនួសអ្នកខ្ចី ទាំងសាមីខ្លួនមិនដឹងរឿងទាល់តែសោះនោះ។
រឿងដែលកាន់តែចាប់អារម្មណ៍ទៀតនោះ សូម្បីតែឧកញ៉ា នឹម វណ្ណៈ ដែលជាកូនស្រី ជំទាវ ហ៊ុន ស៊ីណាត ក៏ជួបរឿងដូចគ្នានេះដែរ គឺតាមរយៈការចូលមកបញ្ចេញនៅលើការបង្ហោះរបស់ឧកញ៉ា ព្រោះតែហួសចិត្តពេកនឹងរឿងនេះ ក៏បង្ហោះសារមួយថា៖
«យី ធ្លាប់តែលឺគេថា កម្ចីប្រាក់ចិនតាមអនឡាញ ដើរយករូបដែលមិនស្គាល់សោះមកផុសគំ-រា-មគេ ទើបឃើញមិញចូលមកផុសទារលុយឯង ហើយក្បាច់នឹងរៀននៅសាលាណាលោកព្រះ? ហើយសរសេរឈ្មោះឯងអត់ត្រូវផង »
ជុំវិញរឿងនេះ ឧកញ៉ាបញ្ជាក់ថានឹងឱ្យមេធាវី ដាក់ពាក្យបណ្តឹង ក្រែងជាប់អន្ទាក់បានខ្លះ ដូចជួយសមត្ថកិច្ចវែកមុខ ក្រុមសង្គមងងឹតអស់នេះ។
មិនត្រឹមតែកូនស្រី ជំទាវ ហ៊ុន ស៊ីណាតនោះទេ សូម្បីតែ ឧកញ៉ា ទៀ វិចិត្រក៏ជួបរឿងដូចគ្នា ហើយលោកក៏បានបញ្ជាក់ផងដែរថា ៖«មិនគួរឲ្យមាននៅក្នុងសង្គមយើងនោះទេ ខ្ញុំដាច់ខាតនឹងតាមរឿងនេះឲ្យដឹងមុខពិតរបស់ជនខិលខូចមួយនេះ !!»
