សង្គម
តារាសម្ដែងជើងចាស់ល្បីឈ្មោះក្នុងទស្សវត្ស ៨០ និង៩០លោក រិទ្ធ សារី បានទទួលមរណភាពហើយ នៅល្ងាចថ្ងៃទី ២៤ ខែសីហា ឆ្នាំ២០២២នេះ ដោយជ-រាពា-ធ ក្នុងជន្មាយុ៨០ឆ្នាំ នៅឯគេហដ្ឋានរបស់លោក ក្នុងខេត្តបាត់ដំបង។
នេះបើតាមការបញ្ជាក់ពីគណនីហ្វេបុក របស់អតីតតារាសម្ដែងល្បីឈ្មោះលោក ស៊ុក សុភា បានឱ្យដឹងថា «តារាភាពយន្ដជើងចាស់ ដ៏ល្បីនៃព្រះរាជាណាចក្រកម្ពុជា គឺលោកពុក រិទ្ធ សារី សព្វថ្ងៃមានអាយុជាង ៨០ឆ្នាំ ហើយលោកពុកកំពុងមានជំ-ងឺ សម្រាកព្យាបាលនៅមន្ទីរពេទ្យខេត្តបាត់ដំបង ហើយនៅពេលនេះ ពេទ្យអស់លទ្ធភាព ក្នុងការព្យាបាលជំ-ងឺលោកពុកហើយ ហើយកូនចៅបានសុំយកមកសម្រាកនៅផ្ទះវិញ។ តែនៅពេលនេះ ម៉ោងនេះ លោកពុកបានលារហូត RIP»។
ជាមួយនឹងដំណឹងមរណភាព របស់អតីតតារាសម្ដែងលោកតា រិទ្ធ សារី គេសង្កេតឃើញមានអ្នកសិល្បៈជាច្រើន បានចែករំលែកដំណឹងនេះជាបន្តបន្ទាប់ ព្រមទាំងសម្ដែងនូវការសោកស្ដាយ ផ្ញើសាររំលែកទុក្ខចំពោះគ្រួសារស-ព ក្នុងនោះដែរ តារាសម្ដែងដ៏មានប្រជាប្រិយភាពលោកទេព រិនដារ៉ូ បានបង្ហាញសារដ៏ខ្លីមួយថា៖ «សូមឪទៅកាន់សុគតិភពចុះ»
