សិល្បៈ
ការប្រកួតសំលៀកបំពាក់ជាតិ Miss Grand Cambodia ឆ្នាំ 2022 នៅយប់ថ្ងៃទី ២៤ ខែសីហា កំពុងតែមានការចាប់អារម្មណ៍យ៉ាងខ្លាំងនៅលើបណ្ដាញសង្គម ដោយមានការចូលរួមបង្ហាញដោយបវរកញ្ញា ពីគ្រប់ខេត្តក្រុង នៅក្នុងព្រះរាជាណាចក្រកម្ពុជា ច្នៃម៉ូដពាក់ព័ន្ធទៅនឹងបណ្ដាខេត្ត ក្រុង ទៅតាមការរស់នៅរបស់ប្រជាជន ដោយអត្ថន័យ វប្បធម៌ មុខម្ហូប និងរឿងរ៉ាវពាក់ព័ន្ធទៅនឹងខេត្ត ក្រុងនីមួយៗ ដើម្បីឱ្យកូនខ្មែរទាំងអស់គ្នាបានស្គាល់។
សម្រាប់ឈុតតំណាង នៅក្រុងប៉ោយប៉ែត និងក្រុងបាវិត បង្ហាញឈុតតំណាងដោយច្នៃបង្ហាញពីល្បែងក្នុងកាសុីណូ បែរជាទទួលបានការរិះគន់យ៉ាងខ្លាំងពីអ្នកលេងបណ្ដាញសង្គម។ ក្នុងនោះដែរមានផលិតករភាពយន្តខ្មែរដ៏ល្បីមួយរូប គឺលោកហ៊ុយ យ៉ាឡេង ក៏បានចេញមុខមករិះគន់ថា៖
«ធ្វើមិនបានឆ្លងក្រសួងគឺបែបនេះឯង😓 អ្នកដែលចេញមុខទទួលខុស និងបកស្រាយគឺអ្នក ដឹកនាំកម្មវិធី😓 ទោះជាចង់បង្ហាញថាខេត្តពីរនេះមានកាស៊ីណូក៏មិន គួរណាយករូបអង្គរវត្តរបស់ដូនតា មកពាក់ព័ន្ធដែរ🙏 ល្បែងមិនគួរណាលើកតម្កើងព្រោះយើងជាពុទ្ធសាសនិក🙏 យុទ្ធសាស្រ្តល្បីអោយគេជេរក៏មិនគួរត្រូវប្រើនៅក្នុងកម្មវិធី លក្ខណៈអន្តរជាតិ😥
យើងមានអ្វីៗជាច្រើនរាប់មិនអស់ដែលត្រូវបង្ហាញក្រៅ ពីល្បែង🙏 សង្ឃឹមថាកម្មវិធីអន្តរជាតិត្រូវបានឆ្លងជាមួយក្រសួងដើម្បី កុំអោយមានកំហុសបន្តទៀត»
ហើយក៏មានអ្នកខ្លះទៀតបានលើកឡើងថា ៖ «ល្បែងបៀរ អាប៉ោងដែលគេហាមតាមស្រុកភូមិ ជាល្បែងសុីសងខុសច្បាប់ ប៉ុន្តែបែរជាកម្មវិធីធំមួយយកទៅបង្ហាញជាអន្តរជាតិ ពីមុខផ្ទាំងប្រាសាទអង្គរវត្តខ្មែរទៅវិញ។»
