![](https://blogger.googleusercontent.com/img/b/R29vZ2xl/AVvXsEhNAH6njmR-Vrmbj9Sx6antd654JcFJ3RoqglWJAGbRXq3_gcxPdF4AehrnkbBd2uk2guYaPDDdgKHKt3FZagFK39BOWT3CrG5-_tCCfV50VDs24Db25ESgjk8U6jojTLJKSbymAQflcz-xsdA7GIaBo6VIQZ1xCNPi-CJkwTfcAq5gOZZkqldiI-0E/s1600/Thumbnail.jpg)
សិល្បៈ
ម្ចាស់ជ័យលាភីពានរង្វាន់កម្មវិធីប្រឡងចម្រៀងលំដាប់ពិភពលោក Cambodian Idol រដូវកាលទី ៤ លីម តិចម៉េង បន្ទាប់ពីលើកពាន និងថ្លែងអំណរគុណដល់អ្នកគាំទ្ររួចហើយ នៅថ្ងៃទី ៣០ ខែសីហានេះ កំលោះរាងតូចល្អិត បានមកផ្ដល់បទសម្ភាសន៍តាមរយៈទូរទស្សន៍ហង្សមាសកម្មវិធីព័ត៌មាន ជាមួយលោក មាស ឬទ្ធី។
មកទល់ពេលនេះតិចម៉េង អាយុ២៥ ឆ្នាំហើយ មានបងប្អូន៣នាក់ ជាកូនបង ប្រុស2 ស្រីម្នាក់ ជាអ្នកស្រុកចំការលើ ភូមិស្វាយមាស ឃុំបុស្សខ្នុរ ខេត្តកំពង់ចាម ដែលបញ្ឈប់ការសិក្សាត្រឹមឆ្នាំទី៣ ផ្នែកសំណង់ស៊ីវិល ។ តិចម៉េងបញ្ជាក់ផងដែររឿងបញ្ឈប់ការសិក្សា ព្រោះតែបញ្ហាជីវភាព មួយទៀតស្រពិចស្រពិលរឿងគោលដៅជីវិត ខណៈចង់ពង្រឹងផ្នែកសិល្បៈឡើងវិញជាងខាងផ្នែកសំណង់ តែក្រុមគ្រួសារមិនគាំទ្រទេ ព្រោះក្រុមគ្រួសារគ្មាននរណាមានដុងខាងផ្នែកសិល្បៈទេ។
មានការលើកឡើងសួរថា មូលហេតុអ្វីបានតិចម៉េង មិនមកប្រឡងកាលពីរដូវកាលទី១ ទី២ ទី៣ ម៉េចបានចាំដល់រដូវការទី៤? តិចម៉េងឆ្លើយតបថា «តាមពិតទៅតិចម៉េងបានកត់សម្គាល់ខ្លួនឯងតាំងពីរដូវកាលទី១មកម៉្លេះ ថានឹងកំណត់គោលដៅឱ្យដូចអាយដលរបស់ខ្លួនគឺ លោក នី រតនា តែពេលនោះគឺសមត្ថភាពរបស់លោកមិនដល់មាន បទពិសោធក៍គ្មាន ចឹងហើយកុំថាវគ្គ Live Show អាចនឹងធ្លាក់តាំងពីវគ្គដំបូងម៉្លេះ»
តិចម៉េង បន្តឱ្យដឹងទៀតថារយៈពេលនោះ គឺលោកហ្វឹកហាត់ខ្លួនឯង តាមរយៈការធ្វើការងារផង រៀនផង ដើម្បីឱ្យបទពិសោធក្នុងវិស័យសិល្បៈនេះកាន់តែមានគ្រប់គ្រាន់ ដើម្បីមកដាក់ពាក្យប្រឡងរដូវការថ្មីនេះ ហើយលោកក៏មិនសង្ឃឹម១០០%នោះទេ តែនឹងខំប្រឹងឱ្យអស់ពីសមត្ថភាព ទីបំផុតសម្រេចបានមែន។ សូមទស្សនាបទសម្ភាសន៍ទាំងស្រុងខាងក្រោមនេះ៖
![](https://blogger.googleusercontent.com/img/b/R29vZ2xl/AVvXsEj9JvponRFTiwj1ggyxnYXf5DIpEL2DVl0CsDhpNufnzdDgm3876lWaT0BMfehNGcL7Af6iub1Zd1NalXSw-kvR7ToRL2t4KQ-nSqR3nblny5hD28Znh8JNNFkUMvi_aKJvQKGAUjUGdd3VPGnDzCQHp67PmqVo6HdqSIr3fKRj3C5Wz0S5YYAYwwUF/s1600/666%20%281%29.jpg)
![](https://blogger.googleusercontent.com/img/b/R29vZ2xl/AVvXsEjcQlbT2TJIId4Wo8lee0IXEs-5mlHs9_oOXwh81LAm_20U2iESfXQNXTgkee378PH1xTgtptZNgtPQwgjY5mTIrXYX8YZyPq0qAo87wYZz_ULvTWT_AgCveUMUbxqx8K5DwOq4incL2N-NAApUSLq1GUuT6yaqNNwt5eU1BU5eaxqy70QEmSTkgf2V/s1600/666%20%282%29.jpg)
![](https://blogger.googleusercontent.com/img/b/R29vZ2xl/AVvXsEhHZw-ihk6U7cvpA-_hkfe4OGYCsb9GoEWuH-tiNPisxApUOZQ_CdX4BsrqHKNF9otR04DLpyY7YyvY6wYu0aB7L09-hoQDHHf00bvkYxDFNMS2dB5bOfNaOtBWZsONc3WIbspboE1GyE_soQ6q3a8dtWAUDJhJAZGCas1pnJb5WtmI6c5qBQPrYhfP/s1600/1.jpg)
![](https://blogger.googleusercontent.com/img/b/R29vZ2xl/AVvXsEgZKHtUxxkWcC1Qc5osb3K0h3_-5mrLJDf3w2sqI_6QM5QPaGXjWGKRfCn6LeBYQHDdumk0JJBMxVPzRzkfpNke1dP5qUytTs01RklbDaVeaGvsoKTfTF6dOLvGRCyJc8dGRkEVP9K3qA6oahfCmkQJ53YWMHnSuRjIDKgLBr9e7LWXdxA5MJba4Yv9/s1600/2.jpg)
![](https://blogger.googleusercontent.com/img/b/R29vZ2xl/AVvXsEhjpB4PgournwLeZw1v0IwMKKR9uI5djfx8S7I6nRX_KOCgmnVDEg1iYkW4n4BbneosgwjS4fJ0NPFI9gzbVWyrEzS9u0xeZLabUvHzu0ZRCbM7kfMsBtHjoU8YlljNkjMyE0zRNt9qXmBJfQ5gBzVfWJKE8kuQK2YSzAN8YBIV_05ox1LpW-gQI6_m/s1600/3.jpg)