សង្គម
ពិតជាមិនធម្មតាទូរស័ព្ទ Iphone14 Promax ទើបនឹងចេញមិនបានមួយចំអិនកំពិសផងពេលនេះតារាចម្រៀងដែលមានជីវិតរស់នៅឡូយឆាយលោក សុគន្ធ ថេរ៉ាយុ នោះបានជះប្រាក់ទិញទូរស័ព្ទទំនើប Iphone14 Promax មកប្រើមុនគេយ៉ាងកាលីពតែម្តង ។
គ្រាន់តែទូរស័ព្ទ Iphone14 Promax ចេញមកភ្លាមអ្នកលេងបណ្តាញសង្គមជាច្រើនបាន បង្ហាញអារម្មណ៍ស្រឡាញ់នឹងប្រាថ្នាចង់បានគ្រប់គ្នា តែអ្នកខ្លះក៏បានត្អូញថាមិនមានលទ្ធភាព គ្រប់គ្រាន់ក្នុងការលេងម៉ូដឱ្យទាន់ស៊េរី។ ងាកមកតារាចម្រៀងដែលនិយមលេងសម្ភារៈទំនើបៗ សុគន្ធ ថេរ៉ាយុ ឯណេះវិញមិនបង្អង់យូរបានទិញភ្លែតប្រើតែម្តង ។
លោក សុគន្ធ ថេរ៉ាយុ បាននិយាយថា«Welcome new Iphone14 Promax!ពណ៌ស្វាយជ្រៅ»។ ក្នុងនោះក៏មានការលាន់មាត់សរសើរពីសំណាក់អ្នកលេងបណ្តាញសង្គមដោយខ្លះបានលើក ឡើងថា« ទិញនោះទិញមួយឆ្នាំៗបងឯងខ្លាចក្រុមហ៊ុនApple ក្រមែនអត់មានយល់វអារម្មណ៍អ្នកអត់ទាន់ដូរផង »«ឡូយណាស់អាយដលសុំប្រើផង»ជាដើម ។
មិនមានអ្វីចម្លែកទេសម្រាប់តារាចម្រៀង សុគន្ធ ថេរ៉ាយុ ក្នុងការទិញទូរស័ព្ទ Iphone14 Promax ព្រោះដឹងស្រាប់ហើយថាតារាចម្រៀងរូបនេះគឺមានជីវិតរស់នៅហ៊ឺហានិងហាយសូរមិន ធម្មតាឡើយ ។ អ្នកគាំទ្រខ្លះលើកឡើងថា តម្លៃត្រឹមទូរស័ព្ទ Iphone14 Promax ប៉ុណ្ណេះគ្រាន់ តែជាកាកលុយរបស់ សុគន្ធ ថេរ៉ាយុ ប៉ុណ្ណោះ ។ លោកត្រូវបានគេមើលថាជាតារាដំបូងដែល ប្រើទូរស័ព្ទទំនើបមួយនេះមុនគេ ។
មួយរយៈចុងក្រោយនេះតារាចម្រៀង សុគន្ធ ថេរ៉ាយុ ហាក់មិនមានបទចម្រៀងថ្មីៗនៅក្នុងផលិតកម្មថោននោះទេ ប៉ុន្តែយ៉ាងណាតារាប្រុសរូបនេះហាក់មិនខ្វល់ខ្វាយអ្វីឡើយព្រោះ ក្រៅពីអាជីពជាតារាចម្រៀង លោកក៏មានតួនាទីមើលការខុសត្រូវហាងលក់ផ្កា ដែលជាហាងរបស់អ្នកម្តាយ និងក្លឹបកំសាន្ត ព្រមទាំងមុខជំនួញផ្សេងទៀតផងដែរ៕
