![](https://blogger.googleusercontent.com/img/b/R29vZ2xl/AVvXsEiBwzgO_tr73aloBI2rsgzOL3ykdGnKTIQOjnPQ_q-tawSe5MdREKmVOrkin9NajDVDafwG0tcMoIiCw2YZ2dh4_E9DZP5SYDoyxVubzUMYBgbQ8o7TffCHkhKHj3u0WeE8ln3jKbUlwUn4WN09N9D7GnplWvfBTlcqHKS6_22aOwSY31FEFBcZPegv/s1600/Thumbnail.jpg)
សិល្បៈ
ពិតជាមិនខុសបំណងអ្នកគាំទ្រនៅក្នុងថ្ងៃទី ១៨នេះបទចម្រៀងរបស់កម្លោះតូច លីម តិចម៉េង បានចេញជាសាធារណៈនៅក្នុងផលិតកម្មរស្មីហង្សមាសដែលគ្រាន់តែរយៈពេលប្រមាណ តែ៧ម៉ោងប៉ុណ្ណោះមានអ្នកចុចចូលទស្សនាប្រមាណជិត៦សែនដងឃើញថាច្រើនជាងបទចម្រៀងរបស់តារាមួយចំនួននៅក្នុងផលិតកម្មយក្សមួយនេះ ។
«អរគុណ Fan » គឺជាចំណងជើងបទចម្រៀងដំបូងរបស់ម្ចាស់ពាន លីម តិចម៉េង ដែល បានចេញជាសាធារណៈនៅលើផេកផ្លូវការរបស់ផលិតកម្មហង្សមាសកាលពីវេលាម៉ោង ៧ ព្រឹកមិញនេះ។ដូចការរំពឹងថាបទចម្រៀងរបស់កម្លោះតូចរូបនេះក៏ទទួលបានការពេញចិត្តពីសំណាក់មហាជនដោយមានអ្នកចុច Like ស៊ែរ និងខមិនជាច្រើន ដោយ ម្នាក់ៗបានសម្តែងនិង ពេញចិត្តនូវអត្ថន័យបទចម្រៀង ជាពិសេសទំនុកច្រៀង និងចង្វាក់ភ្លេងដែលស្តាប់ហើយពិតជាសប្បាយរីករាយគួរឱ្យចង់រាំតែម្តង។ អ្វីដែលចាប់អារម្មណ៍គ្រាន់តែរយៈពេលតែប្រមាណ ៧ម៉ោងប៉ុណ្ណោះ មានអ្នកចូលទស្សនាដល់ទៅជិត៦ សែនដងឯណោះ ។
ក្នុងចំណោមម្ចាស់ពានដែលចូលរួមប្រឡងនៅក្នុងកម្មវិធី Cambodian Idol ទាំងបួនរដូវកាល លីម តិចម៉េង ត្រូវបានគេចាត់ទុកជាម្ចាស់ពានដែលទទួលបានការគាំទ្រនិងពេញចិត្តពីសំណាក់មហាជនភ្លូកទឹកភ្លូកដី ដោយម្នាក់ៗបានសរសើរពីទឹកដមសំឡេង និងចរិករួសរាយ រាក់ទាក់របស់យុវជននេះតែម្តង ។
អ្វីដែលពិសេសលើសម្ចាស់ពានកន្លងមកក្រៅពីមានសំឡេង ពីរោះ លីម តិចម៉េង ក៏មានសមត្ថភាពអាចនិពន្ធបទភ្លេងនិងចេះរ៉េបបានយ៉ាងល្អទៀតផង ។ បើតាម ការបង្ហើបពីសំណាក់អ្នកធ្វើការនៅខាងផលិតកម្មហង្សមាសបានឱ្យដឹងថាមិនមែនមានតែមួយ បទនេះទេខាងផលិតកម្មបានសម្រុកធ្វើបទថ្មីៗជាបន្តបន្ទាប់ឱ្យ លីម តិចម៉េង ។
នៅតែមានការរំពឹងទុកពីសំណាក់មហាជនថាកូនកសិករដែលមានប្រភពមកពីខេត្តកំពង់ចាមរូបនេះនឹងក្លាយជាតារាចម្រៀងដែលមានឈ្មោះបោះសំឡេងទៅថ្ងៃអនាគតដោយសារការ ទទួលបានពានកាលពីរាត្រីយប់ថ្ងៃទី ២៨ សីហាកន្លងទៅរបស់យុវជនរូបនេះទទួលបានការសាទរនិងពេញចិត្តពីសំណាក់មហាជនជាច្រើនដែលសូម្បីបេក្ខភាពដែលជាអ្នកប្រឡងដូចគ្នាក៏រីករាយ ចំពោះជ័យជំនះរបស់កម្លោះតូច លីម តិចម៉េង ដែរ ៕
![](https://blogger.googleusercontent.com/img/b/R29vZ2xl/AVvXsEi2q6U9BZdE7YdGhInPl8jNrWkVJxg93l44V5zDivz4FoXOfTFTtWLi8cbmBkWi0h2Gp8UhfVAyeb9lqSTSDPol1yV3kzmHjwZQ646TXp5gGw8wN6_Pxi36XLfTNZYRojbih-bFqOYW0XbMBXSFNiLk7gjKzhLdpCMqjnDTCZFyaZAiYc333rkT-BYo/s1600/photo_2022-09-18_14-43-18%20%282%29.jpg)
![](https://blogger.googleusercontent.com/img/b/R29vZ2xl/AVvXsEh-JDYQ1pe0PPBOoJd52bD3qKXkcehrawdC4Z8-guABS41HpdMObSetknMZdjyUJu9fcIJoBvSKVvaXiTtXYT7NTwrN8zgJF3oAE5izbkvZNTCz4zha1_ragI3TBaNfufVldTxBRXmmF7G5B0pXx_kKnc1InZizUivjNls01ZXeMAnbsgMfiiQQDYQ3/s1600/photo_2022-09-18_14-43-18.jpg)
![](https://blogger.googleusercontent.com/img/b/R29vZ2xl/AVvXsEjSPJa_08sPmICdSQyhzKcVBRJIf0SJalGA6ZgwDB9PbKYDEjqldyLQJ3k2w_PFMbgYAQc5Xmw2c6KCPinOIjWBG7A-mCYZdVdz0z03WNf0PqeFqGRCZTCxiIewVDSCxX9_NkWe6hmVkSdSQW037mTdV56nKYUST7xgMYguLGlGiO2dgG4Z71EP9ynm/s1600/photo_2022-09-18_14-43-19%20%282%29.jpg)
![](https://blogger.googleusercontent.com/img/b/R29vZ2xl/AVvXsEgmRS2w5uiGvKIc6ccSz1-jDnklfKqDNPp4hXCjwDdgmjPD4pBjuNgCx-N95cQnUppZkeBTQrY5GycgCjSnwORCE0XqjlroeM0_UjvOh3ctR6NjLtNb_H4nrOP20gEVTZExcvZkD2R9CTPSW_ufNvz5t2BhfQECOjQG97JCZWh2fSDgCS6TSegkOOPN/s1600/photo_2022-09-18_14-43-19.jpg)
![](https://blogger.googleusercontent.com/img/b/R29vZ2xl/AVvXsEhf6I0XDzhE7PlAAhRuq93X5MByDNZHVWbQlznp6kP2W4tqy8if1IXs-6Q8YF6A123tNc6Q_h9K_0C1rRROJNr7D4pROzXLwPWqcq3_BVUcPMRetUxUqqXg_0QGzt8tb6Hrmsi6V-cI8Hqf4LmLprPtRASaR3Q3fRu8I3FEF5GDIsTniWlA8B_2X5m5/s1600/photo_2022-09-18_14-43-20%20%282%29.jpg)
![](https://blogger.googleusercontent.com/img/b/R29vZ2xl/AVvXsEh2uz54b_JwCFoIvE63fWh0zhzZugNdT-XDGrz-ASBIrhInZp5M2d1Z749PFy7u1FsIPTrT4BtAW3a-YU0ynq_S28IIET4sc-TV2sUvcF9XW4urNCZh9P95FDorPlQ7TMfVUrnlPlSMz8xQDF0mySDvXJW2icIMs6E6YiZXonSc4RxMRQCyg8vq6Agx/s1600/photo_2022-09-18_14-43-20.jpg)
![](https://blogger.googleusercontent.com/img/b/R29vZ2xl/AVvXsEhQQFmGawX9T_bNM6f2pg-dDGycXyQK7haqQijySZ0fJpZkqhLiftPDOWpu7fsB41rVA_MfE9IbrVWdQPT2PLKd2bnEX6KfQ0gLoaFNEgG1W-3VErm_VkddS7GN0jCyj0b6R9BX-K9jopijmOnrgGXTLHNVPKvJrFyVRu3Ojpt6QRIhTC1vTQ5xKN_W/s1600/photo_2022-09-18_14-43-21%20%282%29.jpg)
![](https://blogger.googleusercontent.com/img/b/R29vZ2xl/AVvXsEg0bwrzW6AZo3aRUf2g-z-NX0SZTXc_OhGY0EyE0EetSlI-OwCHyiWQ5pz7G92ZT2iH_306TtukTG4nauDO2o9uGTSv9VLna6F-u23arNUp2EVu-KixQQb5-PzYW9NuJf-T4GPfr3ox4VKDTDzjr2g0gQFYeoBBAdDBj9N9ylMLuyG3eHNwzA6FYnGB/s1600/photo_2022-09-18_14-43-21.jpg)