សង្គម
សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅថ្ងៃទី ១៥ ខែកញ្ញា ឆ្នាំ២០២២នេះ បានណែនាំសៀវភៅមួយក្បាលក្រោមចំណងជើងថា «សម្ដេចតេជោ ហ៊ុន សែន អ្នកគូសវាសជោគវាសនាកម្ពុជា» ដែលសៀវភៅមួយក្បាលនេះសម្ដេចបានឱ្យដឹងថា មាននូវរឿង ស ម្ងាត់ប្រមាណ៧០ទៅ៨០ភាគរយដែលមនុស្សភាគច្រើនមិនបានដឹង។ សម្ដេចបានថ្លែងសារទាំងស្រុងថា៖
«ដល់ពេលដែលត្រូវបញ្ចេញនូវរឿងរ៉ាវ មួយចំនួនដែលមនុស្សភាគច្រើនមិនបានដឹង។ ឯកឧត្តមកែវ បាភ្នំប្រធានគណៈស្រាវជ្រាវប្រវត្តិសាស្រ្តគណបក្សប្រជាជន និងជារដ្ឋមន្ត្រី ប្រតិភូអមនាយករដ្ឋមន្ត្រីបានសរសេរ សៀវភៅមួយក្បាលដែលមានចំនួន ៦០១ទំព័រ។
សៀវភៅនេះបានបញ្ចេញនូវរឿង ស ម្ងាត់ប្រមាណ៧០ទៅ៨០ភាគរយដែល មនុស្សភាគច្រើនមិនបានដឹង ដែលខ្ញុំយល់ថាចាំបាច់ត្រូវបញ្ចេញឱ្យដឹងនាពេលនេះ។ ខ្ញុំកំពុងឱ្យបោះពុម្ភចំនួន៥មុឺនច្បាប់ និង ចាត់ចែងឱ្យមានការបកប្រែជាភាសា អង់គ្លេសដើម្បីឱ្យមិត្តភក្តិបរទេសបានផងដែរ។ ជូនភ្ជាប់ជាមួយនូវរូបភាពសៀវភៅ៕»
ជាមួយគ្នានោះ លោក ឌួង ឆាយ ក៏បានចូលទៅបញ្ចេញមតិថា៖ «ខ្ញុំបាទសូមគោរពស្នើសុំដ៏ខ្ពង់ខ្ពស់ពីសម្តេចមេត្តាចែកជា soft Copy PDF File ផងដើម្បីកាត់បន្ថយការចំណាយ និងងាយស្រួលរក្សាទុកអាចអានបានគ្រប់ទីកន្លែង។ ដោយក្តីគោរពដ៏ខ្ពង់ខ្ពង់ពីខ្ញុំបាទ»
ស្រាប់តែសម្ដេចបានឆ្លើយតបថា៖ «យើងនឹងធ្វើបែបនេះនៅពេលសមស្រប។ កម្មសិទ្ធបញ្ញារបស់អ្នកនិពន្ធត្រូវតែបាន គោរព។ពិតមែនតែជា រឿងរបស់ខ្ញុំតែយើង ត្រូវគោរពចំពោះការ ខិតខំរបស់អ្នកសរសេរ។ អ្នកនិពន្ធបានបោះពុម្ព ចេញជាសៀវភៅដែលមានគោលដៅ បំរើអ្នកអានជាសៀវភៅមិនមែនតាមអនឡាញនោះឡើយ។
សៀវភៅហ៊ុន សែន បុរសខ្លាំងរបស់កម្ពុជា មានអាយុ២៤ឆ្នាំហើយមកដល់ពេលនេះអ្នកនិពន្ធមិនទាន់បញ្ចេញតាមអនឡាញផងទេ។ សរុបមកមានតែអ្នក និពន្ធតែម្នាក់គត់ដែលមានសិទ្ធសម្រេច។ ខ្ញុំនឹងបន្តបោះពុម្ពបន្ថែមប្រសិនបងប្អូនជនរួមជាតិត្រូវការអានហើយសៀវភៅនេះគឺផ្តល់ជូនដោយឥតគិតថ្លៃ។»
