សង្គម
មិនមានអ្វីប្លែកទេជារៀងរាល់ឆ្នាំពិធីការិនីរូបរាងស្រឡូនស្អាត ជីមមី តែងរៀបចំពីធីខួបកំ ណើតជាលក្ខណៈសាមញ្ញដោយមានការចូលរួមពិសំណាក់ក្រុមគ្រួសារនិងគូស្នេហ៍តែប៉ុណ្ណោះ ។ សម្រាប់ឆ្នាំនេះមិនខុសប្លែកពីឆ្នាំមុនៗដែរ តែ អ្វីដែលធ្វើឱ្យហ្វេន ហ្វេន មានការចាប់អារម្មណ៍នោះគឺ ជីមមី ទទួលកាដូចិញ្ជៀនពេជ្រពីសំណាក់លោក ជីមមី ដែលធ្វើឱ្យមានការសង្ស័យថាគូស្នេហ៍មួយគូនេះអាចនឹងមានដំណឹងល្អនៅក្នុងពេលឆាប់ៗ។
ពីមួយថ្ងៃទៅមួយថ្ងៃចំណងស្នេហ៍របស់ពិធីការិនីរូបស្រស់ ជីមមី និងគូស្នេហ៍កាន់តែស៊ីជម្រៅមិនខុសពីប្តីប្រពន្ធឡើយ ។យ៉ាងណាមិញថ្មីៗនេះ ជីមមី និងគូស្នេហ៍ទើបនឹងត្រឡប់មក ពីដើរកម្សាន្តជាលក្ខណៈឯកជននៅសហរដ្ឋអាមេរិក ។ បើតាមវីដេអូរបស់ស្រីស្អាត ជីមមី គេសម្គាល់ឃើញថាទំនាក់ទំនងរបស់កញ្ញា ជាមួយក្រុមគ្រួសាររបស់លោក ជីមមី ឃើញថាមានភាពស្និទ្ធស្នាលដូចគ្រួសារតែមួយ។ កន្លងមកមានការសរសើរថាគូស្នេហ៍មួយគូនេះស័ក្តិសមគ្នាទាំងព្រមមិនថាសម្រស់ អាយុ និងសមត្ថភាពដែលសូម្បីតែឈ្មោះរបស់ពួកគេក៏ដូចគ្នាទៀតផង ។
អ្វីដែលធ្វើឱ្យអ្នកគាំទ្រសង្ស័យនោះខួបកំណើតគម្រប់អាយុ ២៨ឆ្នាំ របស់ពីធីការិនី ជីមមី កាលពីថ្ងៃទី ៣០កន្លងទៅនេះកញ្ញាទទួលបានចិញ្ជៀនពេជ្រយ៉ាងស្រស់ស្អាតរួមជាមួយនឹងនំខួបកំណើតពីសំណាក់គូស្នេហ៍។
ក្រៅពីការជូនពរនៅក្នុងថ្ងៃខួបកំណើតរបស់ ជីមមី ក៏មានការលើកឡើងពីសំណាក់មហាជនជាអ្នកគាំទ្រថាចិញ្ជៀនដ៏ស្រស់ស្អាតមួយវង់នេះសង្ស័យ ជាចិញ្ជៀនសុំរៀបការច្រើនជាងព្រោះថាអ្នកទាំងពីរមានទំនាក់ទំនងជាមួយគ្នាក៏ច្រើនឆ្នាំហើយដែរ ប៉ុន្តែយ៉ាងណាមិនទាន់មានការបកស្រាយពី ជីមមី ឡើយ ។ ស្រីស្អាតរូបនេះបានត្រឹមភ្ជាប់សំណេរខ្លីថា«អរគុណបងសម្លាញ់សម្រាប់ខួបកំណើតមួយនេះ»។
មិនខុសពីតារាដទៃឡើយមិនត្រឹមជាអ្នកសិល្បៈប៉ុណ្ណោះទេ ជីមមី និងគូស្នេហ៍ក៏មានអាជីពអនឡាញបន្ថែមដែលសព្វថ្ងៃឃើញថាកំពុងដំណើរការយ៉ាងរលូនផងដែរ ៕
