សង្គម
ក្រោយពីតារារៀមច្បងរួមទ្រនំ ពេជ្រ សោភា រៀបចំពិធីមង្គលស្លាដក់កន្សែងមិនបានប៉ុន្មានថ្ងៃ ផងតារាចម្រៀង ឃុន វត្ថា បានដឹកដៃគូស្នេហ៍ដ៏ស្រស់ស្អាតភ្ជាប់ពាក្យទៅតាមប្រពៃណីខ្មែរ កាលពីថ្ងៃទី ១៤ម្សិលមិញនេះ។
គេចាំបានថា តារាចម្រៀង ឃុន វត្ថា បានបង្ហាញមុខមាត់មិត្តស្រីជាចំហតាមបណ្តាញសង្គម មិនបានប៉ុន្មានផងលោកក៏បានដឹកដៃដៃគូភ្ជាប់ពាក្យទៅតាមប្រពៃណីខ្មែរកាលពីថ្ងៃទី ១៤ម្សិលមិញនេះ។យ៉ាងណាក្តីពិធីភ្ជាប់ពាក្យរបស់លោកហាក់មិនឃើញមានការចូលរួមពីសំណាក់មិត្តភក្តិនៅក្នុងសិល្បៈឡើយ។ ទោះបីទិដ្ឋភាពនៅក្នុងពិធីមិនមានការរៀបចំអធិកអធមក្តី តែមើលទៅពិតជាពោរពេញទៅដោយភាពរីករាយជាខ្លាំង។
ងាកមកអនាគតភរិយារបស់តារាចម្រៀង ឃុន វត្ថា ឯណេះវិញមានមុខមាត់នឹងសម្រស់ស្រស់ផូរផង់មិនចាញ់តារាប៉ុន្មានឡើយដោយកញ្ញាមានឈ្មោះថា សៀង បុប្ជាណ្ឌពិដោរ ។ មានការសរសើរថាអ្នកទាំងពីរពិតជាស័ក្តិសមគ្នាតែម្តង ។មិនទាន់ការទម្លាយពីពេលវេលាពិតប្រាកដ នៅក្នុងការរៀបការរបស់លោក ឃុន វត្ថា ឡើយ ។លោក ឃុន វត្ថា គឺជាតារាចម្រៀងប្រចាំផលិតកម្មហង្សមាសម្នាក់ដែលមានប្រជាប្រិយភាពមិនចាញ់មិត្តភក្តិដែលចូលប្រឡូកស្របាលៗលោកនោះឡើយ៕
